Home General Ron Bieze di SVb encuanto Asbesto na Mon Plaisir….

Ron Bieze di SVb encuanto Asbesto na Mon Plaisir….

10
0
SHARE
- Advertisement -

Despues di e limpiesa, nos ta midi y si tur cos ta bon e school por habri bek

ORANJESTAD (AAN): Si sigui e reglanan di DTI pa loke ta trata maneho di asbest, no lo tin problema, segun Ron Bieze di SVB.   El a splica durante un conferencia di prensa diabierna atardi cu for di diamars SVb ta envolvi den e caso di bahamento di dak di Mon Plaisir Kleuter y Basisschool, for di momento cu Colegio Arubano a acerca SVb pa check si nan school ta “safe” pa habri back.

   SVb a worde pidi pa bin wak si e situacion ta sigur pa e empleadonan di e school, como cu nan ta e grupo di interes di e instancia aki.

Nan a worde pidi pa conseho, pa cual nan a bisa directiva di e school pa mantene un cierto area cera y warda te ora e trabao ta cla pa midi check si tin of no tin stof di asbest presente.

   Bieze ta splica cu e resultadonan di e muestranan cu a worde midi ta conoci awo y a haya stof di asbest, pero e concentracion no ta preocupante y despues cu e luga worde haci limpi lo tuma muestra atrobe. Si for di e testmento di e muestranan sali cu e area ta sigur, e school lo por habri back.

   Na henter mundo tin asbest, e ta un material cu ta bin di naturalesa y tanten cu e asbest ta den e plachinan y ningun hende mishi cu nan no tin risico, e experto a subraya. Asbest ta forma un peliger pa salud na momento cu e persona inhala e stof, pero e no ta peligroso ora e ta riba, por ehempel e vloer of un rand di bentana, Sr. Bieze a bisa.

   E stof di asbest ta microscopicamente chikito, bo no ta wak e y hasta pa saca e stof aki for di aire mester di un filter special, Bieze a añadi.

- Advertisement -

DUNA COMENTARIO

Please enter your comment!
Please enter your name here