Home General Nos mester bira autosostenibel den algun area y exporta esaki pa otro...

Nos mester bira autosostenibel den algun area y exporta esaki pa otro pais

5
0
SHARE
- Advertisement -

Michael-Leo van Romondt durante evento na caminda pa “Europe meets the Americas”

ORANJESTAD (AAN): Durante un presentacion organiza recientemente den cuadro di e conferencia “Europe meets the Americas” e enfoke principal tabata “What’s in it for me”.

Oradornan invita tabata Carlos Maduro di Office Systems Aruba y Michael-Leo van Romondt, tax partner di Deloitte Dutch Caribbean, unda nan a encurasha entrepreneurnan local pa participa y explora oportunidadnan nobo pa nan negoshi durante e conferencia cual ta tuma luga dianan 6, 7 y 8 di mei. A splica di nan perspectiva di negoshi kico e comerciante local mester tene cuenta cune y unda tin diferente oportunidad.

Michael-Leo van Romondt a duna ehempel di diferente partnership local cu ya tin e funcion di gateway of parecido na loke kier crea y expande riba dje cu e concepto di Gateway Aruba pa loke ta trata Latino America y Europa. E ta sugeri cu primeramente Aruba mester bira autosostenibel den algun area pa despues por exporta esaki pa paisnan bisiña. El a splica e principio di inflow, cual ta conduci na outflow, uzando algun ehempel local existente manera e partnership di Schiphol Group cu nos aeropuerto.

Den caso di Schiphol, e compania aki a hiba e aeropuerto di Aruba pa un nivel mas halto, cual no a beneficia solamente Aruba como pais, pero tambe por lo menos un comerciante cu ta haciendo negoshi den e aeropuerto. Van Romondt a splica cu un di e operadornan di Food and Beverage a probecha di e partnership cu Schiphol, unda el a adkiri e conocemento necesario y a probecha di e “inflow” pa despues expande su negoshi pa exterior (outflow) y awo ta opera na diferente otro aeropuerto den nos region. E crecemento di e negoshi a resulta cu e comerciante tin mas capital disponibel pa reinverti den otro negoshi na Aruba.

A representante di Deloitte Dutch Caribbean a añadi cu ta worde discuti e punto di crea un partnership similar na esun di Schiphol/Aruba Airport Authority pa e puerto di container di Aruba. Por ehempel por muda e waf pa San Nicolas den un partnership cu un compania di bon reputacion internacional. Esaki ta duna Aruba e oportunidad pa haya experticio den e area aki (inflow) pa despues exporta esaki (outflow).

Entre otro el a menciona tambe algun otro operacion estilo gateway existente of den proceso na Aruba, incluyendo TNO, Baptist Health South Florida, e schoolnan di medicina y Gasunie.

Michael-Leo van Romondt a bisa cu mester pensa tambe den direccion di actividadnan cu Aruba ta exitoso caba den dje manera educacion den turismo y consultancy den turismo, cual ya ta worde exporta caba. El a bisa cu turismo por ta un excelente selling point pa e concepto di gateway. Segun Michael-Leo van Romondt ta bon pa “think big”, pero mester tene semper na cuenta e cosnan cu ta funcionando bon caba y expande riba esakinan manera ya ta pasando cu turismo. El a splica tambe cu tin posibilidad pa desaroyo di San Nicolas pa inversionista local y di exterior si tene na cuenta diferente incentivo interesanteMichael-Leo van Romondt ta sugeri cu un di e prome cosnan cu mester tuma luga ta un reforma fiscal pa motiva inversion local di exterior. Tambe, si kier concentra negoshinan den un cierto area manner San Nicolas lo ta bon pa bin cu diferente otro incentiva fiscal pa nan establece nan mes eynan. Na final di dia tur cos ta tuma su tempo, pero ta importante pa e personanan cu ta traha y biba na Aruba beneficia di e concepto di Gateway Aruba, tin hopi oportunidad, mester wak e posibilidadnan realistico, crea un base pa sigui construi riba dje, segun Michael-Leo van Romondt.

- Advertisement -

DUNA COMENTARIO

Please enter your comment!
Please enter your name here