Home Politica Cu e preguntanan di Bosman ta confirma e mentira di partido MEP

Cu e preguntanan di Bosman ta confirma e mentira di partido MEP

0
0
SHARE
- Advertisement -

Parlamentario Clarisca Velasquez

ORANJESTAD    (AAN):   Segun parlamentario Clarisca Velazquez di Partido AVP, Mep a bin ta bisando cu e protocol di diahuebs santo cu gobierno di Aruba a firma cu Hulanda ta mina autonomia di Aruba. Esaki ta un mentira flagrante di partido Mep cu den su ansha di desesperacion a bin cune pa malinforma nos comunidad.

    Bosman como miembro di tweede kamer a lansa preguntanan na gobierno Hulandes y un di e preguntanan cu el a haci tabata dicon gobierno no a pone supervision financiero ariba Aruba. E pregunta aki di Bosman ta confirma e mentira di Mep.

   Mep den su intento pa busca issue pa campaña pa gana poder pa sigui cu enrikesemento famia y amigonan ta busca tur forma pa mal informa nos comunidad.

E protocol aki ta pone cu gobierno por refinancia e debe nacional di nos pais cu pais Aruba a acumula den 27 aña di existencia di status aparte na un interes hopi mas abou di locual e ta awo.

     E interes cu nos ta paga te awo ta na casi 7% di interes y cu e logro aki di gobierno aki ta pone cu nos ta bai paga un interes di 2% . Esaki ta un logro paso Hulanda ta un di unico paisnan na mundo cu tin un AAA-rating na Fitch Ratings y Aruba por beneficia di esaki.

    Ningun gobierno no a logra esaki y Gobierno Mike Eman 1 a logra esaki pa nos Aruba. Ta comprende si cu Mep ta hambra pa poder pero cu nan ta mal informa pueblo si ta algo condenabel y di mala fe. Ta spera cu pueblo   tuma bon nota di e mala fe di partido Mep y su lider cu no ta na bienestar di nos pais!

- Advertisement -

DUNA COMENTARIO

Please enter your comment!
Please enter your name here