Home Hudicial Persona perhudica desapunta cu e no por a entrega demanda

Persona perhudica desapunta cu e no por a entrega demanda

1
0
SHARE
- Advertisement -

*el a bisa cu e tabata warda pafo di sala di corte, sin cu el a wordo yama

ORANJESTAD(AAN): Diahuebs Roberto D.V mester a presenta dilanti di mesa berde di huez na corte di husticia, door cu el a wordo acusa di intencionalmente maltrata un persona riba 9 di Januari 2011.

E no a aparece, pero mirando cu su citacion a wordo entrega na dje debidamente, e caso a wordo trata.

No tabata tin tampoco un abogado cu a presenta pa defende.

Fiscal a trece dilanti cu mirando e denuncia contra e acusado, e rapport di docter pa loke ta e sla cu e victima a haya y e declaracion di e acusado mes, e ta haya e acusacion comproba.

Fiscal a exigi un castigo condicional di 2 siman.

Huez a bay di acuerdo cu exigencia di fiscal.

Na dado momento net prome cu lo cuminza trata otro caso, e persona perhudica(e victima) den e caso aki a presenta den sala di corte, pasobra e kier a entrega un demanda di daño y perhuicio contra Roberto.

Huez a bise cu door cu e caso a keda cla, e no por hasi nada mas.

Segun huez, e no tabata na altura cu e persona perhudica tabata pafo di sala di corte.

E persona perhudica a bisa cu e tabata tey for di mey ora prome cu e caso.

El a bisa cu el a warda 2 aña pa e por a bin corte y entrega su demanda.

Pesey el a pidi huez kico e por hasi.

Huez a bise cu den e caso aki e no por hasi nada mas, pasobra e caso a wordo trata caba.

El a wordo bisa si cu quizas e lo por cuminza un caso civil.

E persona perhudica no a keda mucho contento, pasobra el a sinti cu e huez a faya door di no check debidamente si e persona perhudica tabata presente.

Asina mes el a cuminda huez y a bandona sala di corte sin por entrega su demanda contra e persona cu a maltrate.

- Advertisement -

DUNA COMENTARIO

Please enter your comment!
Please enter your name here