Home General Preparando pa Social Work Student EXPO y Debate 2012

Preparando pa Social Work Student EXPO y Debate 2012

0
0
SHARE
- Advertisement -

ORANJESTAD (AAN); Facultad di Arte y Sciencia (FAS) di Universidad di Aruba, ta invita tur esnan cu tin interes den e sector di Trabao Social pa un exposicion y un debate cu lo marca e culminacion di e prome semester.

E asina yama Social Work Student Expo to dia 7 di December 2012 y e Debate ta dialuna awo 10 di December.  E tema di e debate lo ta “ Cu si Aruba su servicionan social ta aplica un perspectiva basa riba desaroyo″.

   DIARIO a haya sa, cu e debate y e Expo ta tuma lugar den e Aula di Universidad di Aruba cuminsando for di 3.00 pa 5.00 di atardi. E Social Work Student EXPO ta tuma lugar dia 7 di december.

Ya for di 3.00 or di atardi bishitantenan por admira e exposicion den Aula di Universidad banda di Misa na Playa na estilo “walk-in”. Entre 4.00 y 5.30 di atardi e studiantenan den di dos aña lo duna un presentacion.

   E programa di estudio “Social Work and Development” (SW&D) ta un di e programanan di estudio cu ta cay bou Facultad di Arte y Sciencia (FAS) cu a inicia na 2009.  E ta un estudio di 4 aña riba nivel di “Bachelor” y e studiante ta worde prepara entre otro pa duna asistencia na individuonan, famia y  gruponan. E studiantenan ta worde prepara tambe pa traha y haci actividad den comunidad of pa defirente organizashonnan.

   Tambe e studiante ta worde prepara pa haci investigacion den e area Social pa atende cu of siñala problemenan Social cual resultadonan por ta instrumental pa e desaroyo di maneho y leynan na Aruba. E estudio ta un estudio general pa Trahador Social y esaki ta nificia cu tur Trahador Social cu gradua di e programa por traha cu mucha, hoben, adulto o hende grandi y hende nan cu disabilidad.

   Den e prome semester e studiantenan den prome y di dos aña ta hopi involvi den proyectonan practico den comunidad. E studiantenan ta rekeri pa amplia nan conocemento di e sector social por medio di trabao voluntario y bishitanan di orientacion na instancianan social. Na final di e semester e studiantenan den prome aña ta organiza un exposicion caminda nan ta presenta lokual nan a experiencia y sinja durante e semester. Ademas e studiantenan den di dos aña ta duna un presentacion di e resultado di nan bishitanan en relacion cu e module “Life Span Development”, “Introduction to Qualitative Research” y Social Issues and Change.

E debate ta un tarea final pa e studiantenan di tercer aña. E ta un momento pa dialoga cu expertonan den e sector tocante e vision fundamental tocante desaroyo general como punto di salida pa cu servicionan social.

   Tur esnan cu ta interesa sea adulto o hoben ta invita pa atende e “Social Work Student Expo”. E studiantenan ta invita en especial tur trahado Social, studiante di EPI Sector Salubridad y Servicio y instancianan cu a colabora cu e departamento of e studiante den e semester aki  pa pasa bishita e EXPO dia 7 di december.

  Pa mas informacion over di e programa di estudio di “Social Work and Development” por bishita e pagina web di Universidad di Aruba www.ua.aw.

- Advertisement -

DUNA COMENTARIO

Please enter your comment!
Please enter your name here