Home Politica Gobierno mester introduci mas keuringslokal

Gobierno mester introduci mas keuringslokal

0
0
SHARE
- Advertisement -

Lider di PDR:

ORANJESTAD (AAN) – Lider di fraccion di Partido Democracia Real, mr. Andin Bikker, ta haya cu Gobierno mester introduci mas Keuringslokal.

Aworaki tin mas cu dosmil persona cu ta wardando pa nan auto wordo gekeur, pero Keuringslokal a informa cu pa loke ta resta di e aña aki nan no ta bay tuma keurings mas.

E parlamentario a expresa cu mientras tanto, si tin control di polis ta tumando lugar, y e ta kere cu un maneho responsable y profesional mester aplica cu si un persona ta presenta cu un carta, cu e tin un cita cu e fecha cu e ta keur su auto asina cu aña habri, e por worde dispensa si e auto no ta mustra nada erg.

Parlamentario mr. Bikker a reitera cu mester tin mas cu un keuingslokal na Aruba, manera tabata tin den pasado den cada distrito: na San Nicolas, Playa, Santa Cruz y na Noord.

Actualmente tin un keuringslokal central so, y mr. Bikker no ta compronde di con mester ta asina, pasobra si e wordo amplia cu un of dos mas sikiera, esaki ta facilita e control di e autonan y mas facil ta pa e personanan pa atende nan mes cu e obligacion aki cu ley ta prescribi.

El a subraya cu PDR lo haci preguntanan parlamentario riba e punto aki na e minister concerni. El a agrega cu e keurmento aki ta aporta sumanan cuantioso pa caha di gobierno, y e ta kere cu si tin cualkier problema, sea ta machine of otro, ta logico cu gobierno mester inverti den esaki, pasobra na final di dia e ta trece placa pe back, mientras cu e ciudadanonan mester cumpli cu ley.

- Advertisement -

DUNA COMENTARIO

Please enter your comment!
Please enter your name here