Home General A sigui tur procedimento den caso di pacient di Liposuction kende a...

A sigui tur procedimento den caso di pacient di Liposuction kende a fayece

1
0
SHARE
- Advertisement -

Dr. Jaime Falconi, director di HOH:

ORANJESTAD(AAN): Den un entrevista cu dokter Jaime Falconi, director di dr. Horacio Oduber Hospital, el a duna un splicacion di e procedimento cu ta sigui despues cu un dama a fayece den sala di operacion.

   Un operacion cu tabatin di haber cu estetica. Pa cuminsa director di hospital a splica cu pa privacidad e no por bay den tur detayes di e pacient en cuestion. Pero nos por bisa cu aparentemente e pacient femenino a bay haci un operacion estetico ora cu su curason a faya y no por a haci nada pa rebibe.

   Dr. Falconi a splica cu den caso di operacion semper tin diferente pasonan cu mester tuma lugar. E prome paso ta entre e dokter y e pacient pa mira si tin indicacion (necesidad) pa un operacion.

A base di palabracion cu otro ta dicidi si e operacion ta tuma lugar. E di dos paso ta preparacion pa e operacion.

Den e fase aki tin algun paso sumamente importante cu mester tuma luga, cu ta condicionnan cu Inspeccion di Medicina di Hulanda a incorpora dies aña pasa caba na Hulanda. E ta reglanan top pa sigui prome cu un operacion. Un di e aspectonan ta cu mester tin un pre-screening. E ta encera entre otro cu prome cu e operacion e anestisista ta evalua y mira e pacient pa mira si tin un riesgo den e operacion pa e pacient.

   Y ora cu e pacient drenta sala di operacion, tin algun rekisito mas cu mester cumpli cu nan. E dokter y demas personal mester controla si tur procedimento haci ta corecto y kico ta bay haci durante e operacion. Den investigacion preliminar cu hospital a haci, ta mustra cu tur e pasonan aki riba menciona a tuma luga. E di tres fase ta ora cu e pacient sali for di sala di operacion cu mester worde sigui.

   Hospital no a haya ningun indicacion den e investigacion preliminar cu a faya den un di e procedimentonan ariba menciona. Hasta a constata cu ta dos operacion mester a tuma luga y esaki a worde palabra y confirma por escrito. Riba sugerencia di e anesteciologo a palabra cu e dos operacionnan lo no tuma luga riba mesun dia, ya cu e por trece peliger pa e pacient. E prome operacion a tuma luga siman pasa caba y a bay sin ningun problema.

   Dr. Falconi a sigui splica cu despues di e operacion, e pacient a keda interna pa sigui su condicion y como preparacion pa e di dos operacion cu a tuma luga diaranson. Y a enfatisa cu tur paso a worde tuma pa tur cautela y no tabatin ningun indicacion cu algo a bay fout den e di dos operacion. Asina cu a surgi complicacion den e di dos operacion, sala di operacion inmediatamente a contact dr. Jaime Falconi como director di hospital.

   Mesora el a apunta un persona den e sala di operacion pa sigui suministre informacion di kico ta worde haci y con e condicion di e pacient tabata. Diferente specialista, entre otro Cardiologo, a duna acto di presencia pa trata di rebiba e señora. E complicacion tabata un fayo cardiaco cerca e pacient di 38 aña. Mirando e edad di e fayecido, e lo nifica un estudio profundo pa trata di determina kico a pasa.

   Hospital a reuni cu familiar di e fayecido caminda a splica cual ta e posicion di e dokter cu a opera, di e hospital y a bisa nan cu ta masha importante pa duna autorisacion pa un autopsia tuma luga pa saca afo kico a tuma luga. E aprobacion a worde duna y e autopsia a tuma luga diahuebs. E resultado no ta conoci ainda pero e familiarnan ta esnan prome cu mester worde informa di e resultado. Tambe a encarga e persona cu ta atende cu kehonan na hospital, pa haci un investigacion mas lihe posibel y acerca e familiarnan pa tende nan banda of cualkier informacion cu nan por aporta na dje.

   “Hospital ta haciendo tur su esfuerso pa keda garantiza cu e cuido cu nos ta dunando den hospital ta uno di calidad halto. Semper lo por tin calamidadnan y cada un di esakinan, mi ta sigura pueblo di Aruba, nos lo sigui atende cu tur seriedad.

   E familiarnan lo worde informa debidamente di kico e consecuencianan lo ta,” e director a splica. Ministerio Publico tambe a worde acerca, ya cu e causa di morto no ta conoci ainda. Hospital a worde informa door di e organo aki cu si no tin indicacion cu algo grave y fout a tuma lugar, nan no tin motibo pa haci ningun tipo di investigacion. Pero si a palabra cu si den transcurso di e estudio haci, descubri cu tin algo robez a tuma luga, lo informa nan di esaki mesora.

- Advertisement -

DUNA COMENTARIO

Please enter your comment!
Please enter your name here