Home Politica Mester stop di haci politikeria cu cosnan cu ta serio y mester...

Mester stop di haci politikeria cu cosnan cu ta serio y mester informa comunidad cu e berdad

0
0
SHARE
- Advertisement -

Parlamentario Clarisca Velasquez

ORANJESTAD (AAN): Presidente di Comision di Husticia ta haci apelacion.  Segun Clarisca Velasquez di AVP, a tuma nota cu den prensa a sali un relato caminda ta bin cu storianan cu no ta cuadra cu berdad manera nan ta bisa “klok horen luiden” e corant aki ta bin skirbi.

Reunion di comision ta reunion sera esey kiermeen cu loke e invitadonan papia den e reunion no por bay papia pafo di sala of haci politikeria cu ne!

   Prome cu un reunion asina cuminsa e parlamentarionan ta worde poni na altura cu e reunion ta uno sera. esey ta pa e tene cuenta cu tur loke worde papia door di invitadonan no por bay worde ripiti pafo di sala
a tuma nota cu sr Booshi Wever no a respeta e “codigo di etica” aki y a bay papia riba kico un invitado a informa e comision di husticia.
E invitado a haya pregunta riba un caso di e parlamentario Booshi Wever cu no ta al caso den e reunion aki paso ta puro redo e parlamentario aki a bin ta haci! pasobra ora un hende trece un acusacion di e indole aki e mester como ciudadano cu sa cu tin un acto castigabel ta pasando of a pasa e mester duna keho na autoridadnan concerni segun nos codigo di procedimento y esaki ta conta pa parlamentarionan tambe cu ta bin cu acusacionnan nan mester para den nan sapato y entrega keho si nan ta na altura si tin actonan castigabel ta tuma lugar y no bin haci redo of bisa cu bo a tende paso esey no ta yuda cu nada.
E invitado corectamente a bisa e parlamentario cu su departamento ta haciendo investigacion y esey lo haya sa na su debido tempo!
pesey un apelacion na e corant cu ta gusta skirbi relatonan sin haci investigacion pa nan informa mihor cerca e presidente di comsion di husticia mes pa nan informa nan poco lesadornan cu nan tin di e berdad pa asina nan no a bay traha storia cu no ta basa riba e berdad.
   Si Clarisca Velasquez ta na altura cu tin un acto castigabel ta sosode of a sosode e sigur lo duna keho na autoridad pa asina por cuminsa investigacion riba dje y no manera cierto parlamentarionan cu ta bisti saya pa haci redo pero ora nan ta na altura di actonan castigabel ta bin grita den sala di parlamento pero no ta bay haci denuncia di e acto castigabel cu nan ta na altura di dje!

- Advertisement -

DUNA COMENTARIO

Please enter your comment!
Please enter your name here