Home Politica Discurso alentador di gobernador ta refleha e vision y positivismo cu e...

Discurso alentador di gobernador ta refleha e vision y positivismo cu e gobierno aki tin pa goberna nos isla

0
0
SHARE
- Advertisement -

Parlamentario Clarisca Velasquez

ORANJESTAD (AAN): Gobernador den su discurso na apertura di aña parlamentario a acentua e meta cu e gobierno aki tin pa goberna e isla aki.

   E gobierno aki mescos cu hopi rond mundo su meta ta pa hiba un maneho duradero y sostenibel y a sali di e punto di bista di nos realidad pa haci esaki. Ta di planea accionnan den forma coherente y actua cu diligencia pa realisa e metanan aki cu lo duna e maximo resultado den haci nos comunidad ecologicamente y socio-economicamente duradero y sostenibel.

   Nos gobierno den su meta pa busca solucionnan structural pa situacionnan cu ta afecta henter nos comunidad a mira e necesidad pa envolvi tur gremionan den nos comunidad pa asina yega decisionnan cu ta duradero y na fabor di nos comunidad.
   Gobierno di Aruba como trendsetter a mira e necesidad pa duna ehempel pa cuminsa inverti den su infrastructura di nos pais cu e proyectonan manera “Bo Aruba” y “Bo Bario” ta pone un base firme pa un desaroyo economico nobo cu ta bay man den man cu mehoracion di cohesion social y profundisacion di nos conciencia ecologico.
  Trahando riba e tres pilarnan cu ta mehoracion material, mehoracion di calidad di bida humano y cuido di nos medio ambiente nos gobierno lo dirigi su esfuersonan durante e proximo aña riba fortificacion di Aruba como un comunidad duradero y sostenibel, den cual lo tin miho oportunidad pa un miho calidad di bida pa un y tur.
   E crecemento economico, specialmente di turismo y e proyectonan riba tereno di infrastructura y renobacion urbano, den combinacion cu e maneho pa reduci gastonan publico, a percura pa gobierno por a mantene su projeccionnan financiero y economico.
   E expectativa y positivismo pa e aña venidero ta , cu apesar di suspension di operacion di e refineria, e desaroyo aki lo continua.
   E desaroyo alentador aki lo atrae inversionistanan priva y di exterior pa asina bin inverti den nos isla locual Aruba mester pa asina continua su desaroyo economico y e meta di e gobierno aki pa desaroya un tercer pilar economico unda Aruba lo fungi como brug entre Latinoamerica, Union Europeo y Merca riba tereno di tecnologia berde, gobierno ta aspira un diversificacion mas grandi di e economia y un mayor stabilidad economico pa nos pais.

   Cu e visionnan grandi aki nos gobierno lo sa di supera tur obstaculo cu lo por tin pa nos dushi Aruba y hibe nos isla den un futuro economico y socialmente duradero y sostenibel!

- Advertisement -

DUNA COMENTARIO

Please enter your comment!
Please enter your name here