Home Politica Dilanti porta di eleccion mayoria partido politico na Hulanda ta contra e...

Dilanti porta di eleccion mayoria partido politico na Hulanda ta contra e asina yama “langstudeerboete” y cu tur cos ta mustra cu e no lo worde introduci mas

0
0
SHARE
- Advertisement -

Parlamentario mr. Desirée G. Croes masha contento cu

ORANJESTAD (AAN): Diaranson cu a pasa e Cuerpo di Studiante di ciudad di Utrecht a organiza un debate politico riba tema Ensenjansa.

Studiantenan presente a bira masha contento ora cu un pa un e representantenan di e diferente partidonan politico a duna di conoce di ta contra e langstudeermaatregel, cu bao di studiantenan ta conoci como “langstudeerboete”.

Asta CDA , den persona di Buma, cu ta e partido cu a carga e idea aki for di cuminsamento, a laga sa cu nan kier libra nan mes di esaki. Despues cu GroenLinks, PvdA y D66 tambe a declara di ta contra e boete aki, solamente Slob, di ChristenUnie a keda purba, cu poco exito defende e medida aki, bisando cu cada studiante ta costa gobierno Hulandes 6mil euro pa aña..

Mi ta comparti opinion di señora Sap di GroenLinks cu a  yama e langstudeerboete un medida contra ambicion. Samsom tambe ta haya cu e ta un boet riba interes, desaroyo y riba mala suerte. Esaki ta exactamente loke hopi di nos studiantenan ta pasa den dje. Mas cu mitad di nos studiantenan ta cambia e prome aña di estudio, debi na e echo cu hopi bes nan no ta bon informa riba e estudio cu nan a escohe, ademas cu den nan prome aña nan mester aclimatisa. E echonan aki ta pone cu nan ta perde hopi bes un of mas aña di nan estudio. Cu e medida aki, nan a perhudica.

Luna pasa mi a manda preguntanan pa Minister Dowers riba e situacion cu nos studiantenan por haya nan mes aden cu introducion di e langstudeermaatregel y pidi su atencion pa cu esaki.

Awor mirando e debate di diaranzon y e echo cu ya GroenLinks a pidi un spoeddebat riba e topico den 2e kamer, tur cos ta mustra cu politica na Hulanda mes por soluciona e  problema. Ta keda awor e di dos cambio grandi y “batata cayente” cu ta e  “sociaal leenstelsel” cu tambe tin su pro’s y con’s, pero en todo caso, no ta asina empactante manera e langstudeerboete. Den e systema aki, lo cambia e studiefinanciering pa un prestamo social, unda cada studiante por presta placa pa studia y lo pag’e back bao condicionnan suave despues di nan estudio.

Aunque e partidonan di mas grandi, esta PVV, SP y VVD, tabata ausente na e debate diaranson, toch ta mayoria den 2e kamer ta pensa cu e langstudeerboete no mester worde introduci, loke ta un alivio pa tur studiante, inclui nos hobennan.

- Advertisement -

DUNA COMENTARIO

Please enter your comment!
Please enter your name here