Home Politica Momento a yega pa mas empresa priva duna espacio pa studiantenan core...

Momento a yega pa mas empresa priva duna espacio pa studiantenan core stage

1
0
SHARE
- Advertisement -

ORANJESTAD(AAN): Durante e conferencia di prensa semanal di AVP, tabata tin varios orador, entre otro Parlamentario Lainda Westerhoff, kende a toca riba varios tema.

   El’a habri e conferencia di prensa semanal di AVP felicitando e muchanan cu a logra nan certificado di formacion social.

Ayera e di dos grupo cu a participa na e proyecto den Sociale Vorming a haya nan certificado pa loke ta trata e parti di mariniers kazerne, e parti disciplinario, e parti di e training. Pa awor aki continua cu nan leertraject.

E grupo aki tabata uno mas grandi. Por a nota cambio den e grupo cu a worde haci. Cosnan cu no a bay mucho bon den e prome grupo, a worde cambia pa e di dos grupo. Tabata t’ey hopi mayor tambe durante e proceso aki. Otro aña fin di aña lo cuminsa cu otro grupo.

Asina lo sigui cu e di tres grupo pa termina e proyecto. Ta hopi positivo pa e coremento di stage di e grupo aki. Un update a worde pidi di e comision di parlamento tambe riba e tema aki. A mustra tur e cantidad di cambio cu a worde haci. Cambionan cu lo mester worde haci tambe den futuro.

   A presenta opleidingnan nobo cu lo bay bin. Algun comerciante y personanan cu lo participa na dje. Lainda Westerhoff a splica cu mester tin participacion di mas grupo di sector priva den e tipo di proyectonan asina. Hopi biaha ta critica e hobennan.

Ta critica criminalidad. Ta critica cu nan ta haci daño, vandalismo na auto, na tienda, pero no ta participa den e tipo di proyecto aki.

   Duna aporte, sea door di duna stage plek of door di inverti den e proyectonan aki. Valero y APA ta duna e muchanan aki chens, mescos cu algun hotel, pa crea un trabao eynan mes. E otro parti positivo tabata cu tin pensa di por ehempel pone mas chens pa e hobennan aki, manera nan caba cu nan estudio cu nan por worde yuda tambe door di e trayecto aki pa haya un trabao.

 Pa ora nan caba no bisa cu nan a keda sin trabao of dificilmente nan drenta sector laboral. E meta principal pa integra nan den sociedad. E comision a duna hopi sugerencia. A haci pregunta tambe pa ki tempo lo bin cu Sociale Vorming pa mucha muhe. Esey tambe mester di atencion. A worde bisa si cu e cantidad di hobennan cu cay cera no ta mucha muhe.

Por mira na Corsou, na Republica Dominicana, Sur America, ta lanta luganan pa hende muhenan. Un guia pa e ser femenino tambe ta hopi necesario. Aki nan ta yudanan cu nan yiunan pa nan termina cu un estudio, kitanan di ayudo social, drenta y reintegra back den comunica. No ta tur ora nan mester cay den man di husticia, pero nan ta worde vincula cu si. Aki nos mester busca un solucion pa e hobennan. Mester mira mas leu cu nos nanishi y atende dirigi tambe riba e ser femenino. Den mesun rosea Lainda Westerhoff a desea e studiantenan tur clase di exito. Pa e grupo cu ta bayendo den exterior bay studia, Señora Lianda Westerhof a deseanan tur clase di exito. Aruba mester di mas hoben profesional, pa asina por hiba e isla unda nos kier yega cun’e.

- Advertisement -

DUNA COMENTARIO

Please enter your comment!
Please enter your name here