Home General “Delincuencia bou Hubentud” ta exigi un maneho urgente

“Delincuencia bou Hubentud” ta exigi un maneho urgente

4
0
SHARE
- Advertisement -

Señora Helen van der Wal a entrega proefschrift na Parlamento

ORANJESTAD(AAN): “Delincuencia bou di Hubentud na Aruba” ta un preocupacion grandi pa mr. Helen van der Wal. Ta debi na esaki mes el a skirbi un buki pa trata di habri wowo di tur esnan concerni y pa traha riba e tema aki. Señora Van der Wal a haci un estudio di e tema aki y kico por causa comportacion indesea na Aruba.

   El a splica cu e ta masha contento mes di a haya e oportunidad di presenta e resultadonan na Staten.

For di e investigacion a sali na cla cu tanto Gobierno como Parlamento tin un tarea grandi pa realisa pa bini cu medida y leynan nobo basa riba tratadonan internacional di mucha. Den su presentacion den Parlamento, el a duna un splicacion pakico e ley- y medidanan nobo ta necesario. E buki a worde publica aña pasa y ta contene resultado di e investigacion cu van der Wal a haci durante un periodo di basta aña, durante cual el a haci e investigacion pa logra haya su doctorado den criminologia.

   Y ta copia di e Proefschrift y e deluxe uitgave, cu ta un uittreksel di tur e datonan, cu a worde entrega na Parlamento. E no por bisa cu e delincuencia bou di hobennan, ya cu pa bisa esaki mester haci cierto tipo di midimento den cifranan y djey un otro midimento. Pero den su investigacion el a haci un solo forma di midimento. Pero el a haci un comparacion cu e cifranan di Hulanda, e mester bisa cu e no ta coi gaba.

   Si compara e delincuencia cu e factor di riesgo cu por causa di delincuencia, e ta puntra su mes di con no tin mas delincuencia. El a nota den su investigacion cu tin hopi factor di riesgo, y tambe muchanan cu tin problema ta hopi riba nan mes. En realidad na cuminsamento e no a kere cu lo bay tin asina hopi factor di riesgo. E ta kere cu mester tin factornan di protector pa kita esnan di riesgo. Esaki ta nifica hopi trabao pa Parlamento, Gobierno, y sectornan social y di educacion pa duna e muchanan loke nan tin derecho riba dje. Esey lo yuda nan comporta y presta miho na school. Di e estudio a sali na cla cu e resultadonan na school si ta alarmante. Señora Van der Wal a bisa cu el a haci un survey bou di hubentud di 10 pa 17 aña, uzando datonan di Bureau Statiestiek y Censo. Na un manera cientifico e datonan a worde calcula. Pues e no ta nada a base di literatura, pero dato concreto.

   E mes ta kere cu tin speranza cu e situacion por mehora, principal si actua den un fase tempran. Prome cu e comportacion indesea ta den e mucha caba. Pues pa crea un maneho politico y tambe riba otro tereno. Naturalmente apoyo di mayornan den tur fase ta importante principalmente den e edad di 10 pa 17 aña. Ora cu tin actividad sin supervision di adulto, e ta un factor grandi di riesgo. Na Aruba ora cu hobennan ta sali, nan ta cay di biaha den e sector di adulto, caminda tin turistanan tambe, cu hopi biaha no ta e bon ehempel.

- Advertisement -

DUNA COMENTARIO

Please enter your comment!
Please enter your name here