Home General Companashi a haya bishita di Prome Minister Eman y team BoBario

Companashi a haya bishita di Prome Minister Eman y team BoBario

0
0
SHARE
- Advertisement -

Accion di limpiesa a cuminsa
ORANJESTAD(AAN):Compaña pa polis di bario, empleadonan di Serlimar y di GKMB Prome Minister Mike Eman hunto cu e team BoBario bou guia di sra.Ruth Tromp den oranan di mainta a cana den Companashi ya cu a inicia cu e accion di limpiesa den un di e barionan mas bieu na Aruba cu tin un historia largo y interesante. E ta un bario tambe na unda cu e edad di e habitantenan ta relativamente halto. Ta pesey cu dietista sra.Sonia Kappel tambe tabata presente pa unda mester duna instruccion con come saludabel y mas balansa. Ta e intencion cu den futuro Wit-Gele Kruis tambe ta parti di e bishitanan den e barionan na Aruba. Prome Minister Eman a scucha cu atencion loke e habitantenan tabatin di bis’e y kico nan kier mira pa gobierno cambia den nan bario.


Prome Minister a mustra su gratitud pa e trabou y esfuersonan cu e departamento di BoBario/Gemeenschapszin ta haci den barionan na Aruba.

Sigur pa loke ta e participacion di habitantenan mes den cuida y mehora e becindario na unda nan ta biba. Eman “Mi a wak cu den Companashi tin diferente cas cu ta bandona.

Esaki ta trece cierto desaroyonan negativo cu ne y mester wak con soluciona esaki ”. Eman a bisa cu polis di bario a cana hunto cu e grupo pa tuma nota di e seguridad den e bario y unda por mehora esaki.

 “Mi mester bisa cu canando awe den Companashi mi a sinti hopi alegria cerca e hendenan, pasobra no solamente nos a bin cu un equipo cu ta haciendo e limpiesa, pero tambe pasobra cu hopi a wordo haci caba den e bario aki y ainda ta wordo haci”.

Eman a mustra riba e institutonan cu semper a forma parti y caracter di e bario cu ta e scolnan St.Dominicus y La Salle College. Ambos a haya despues di hopi aña di negligencia un renobacion total.

Mescos tambe e cruzada de Sallestraat y Ernesto Petronia a haya su debido atencion, aunke cu esaki a tuma un poco mas tempo cu inicialmente tabata proyecta.

Esaki pa motibo di e sistema di riolering cu tabata den mal estado, pero awor por mira cu hopi a wordo haci. Eman cu satisfaccion a mustra riba e cayanan den Companashi cu a wordo atendi caba y cu esaki a trece un adelanto grandi pa e bario.

Prome Minister Eman a bishita sra.Lacle kende tin un plantacion prometedor den su cura. “Sra.Lacle cu mi a palabra cu ora nos ta completamente cla den e bario cu nos ta celebra e echo aki den su bunita patio. Esaki pa duna realce y contenido na e trabou cu ta wordo haci den e bario”.

Banda di ta haci e accion di limpiesa y otro aspectonan di infrastrcutura den e barionan na Aruba, e bishita di Prome Minister y su team ta enfoca tambe pa tende e preocupacion di e hendenan.

 “Nos ta capta e ‘grito di auxilio’ di un ciudadano, un club of otro organisacion cu no por warda mucho largo pa haya ayudo y unda por nos ta ofrece e ayudo mas lihe posibel. Na Calabas nos tin un bunita proyecto caminda nos a renoba un cas chikito di dos persona cu tin un handicap cu a keda hopi contento.

Esaki a wordo haci hunto cu ALBO cu a responde positivamente riba e peticion cu nos a haci. Asina e trabounan ta sigui. Cada dos siman nos ta den un bario, esaki banda di e trabou grandi di e 24 barionan di atencion na unda hunto cu FCCA ta drecha e casnan y infrastructura manera a wordo haci na Yuwana Morto.

- Advertisement -

DUNA COMENTARIO

Please enter your comment!
Please enter your name here