Home General Cu mocion pa aumento ayudo financiero pa studiantenan cu ta studia na...

Cu mocion pa aumento ayudo financiero pa studiantenan cu ta studia na IPA

0
0
SHARE
- Advertisement -

Mervin Wyatt Ras:
ORANJESTAD (AAN): Durante tratamento di presupuesto di pais Aruba parlamentario Mervin Wyatt-Ras a presenta un mocion pa yuda studiantenan di un forma financiero pa asina nan por studia na IPA. Segun Wyatt-Ras nos enseñanza ta di vital importancia pa desaroyo di nos pais y cu ta importante enbista di e proceso di envehecimento di e cuerpo di docentenan pa prepara mas hoben posibel pa asina por eherce e profesion di maestro di school.
Aki ta ser constata cu esnan cu ta traha na gobierno cu dicidi di haci e estudio aki por haya e oportunidad y lo por keda na trabao.


Sinembargo en bista cu e estudio ta rekeri hopi di e studiante, esnan cu no ta ambtenaar of tin un trabao den sector priva ta haya nan mes den un situacion dificil door di cual tin ta haya nan ta kita for di trabao.

En especial ora ta trata mama of tata di famia cu kier sigui studia ta bira dificil pa combina esaki y e suma di fianza pa luna cu ta solamente 1000 Florin no ta yega pa studia y cria nan famia.

En especial e mama soltera of tata soltero cu kier studia ta haya su mes den un situacion dificil si e kier continua cu su estudio. Den e mocion e parlamentario ta pidi pa bin cambio y cu e studiantenan por haya un ayudo mas substancial pa por studia.
Di e forma aki teniendo cuenta cu tur hende mester por tin derecho igual di studia.

- Advertisement -

DUNA COMENTARIO

Please enter your comment!
Please enter your name here