Home General Flexibilisacion procedura pa haya visa na Colombia a beneficia Aruba

Flexibilisacion procedura pa haya visa na Colombia a beneficia Aruba

1
0
SHARE
- Advertisement -

ORANJESTAD (AAN): Prome Minister Mike Eman su bishita pa Colombia a yega su final, pero ta satisfecho di a logra atende diferente tema importante cu ta di interes pa e pueblo di Aruba en general. Un di e reunionnan sosteni tabata cu Embahada Hulandes, caminda a toca e tema di visa, cual ta worde exigi for di un Colombiano ora cu e biaha pa Aruba.
E enfoke principal di e reunion cu e Embahador y e seccion di visa tabata pa haci un analisis di e cambio cu a keda introduci aña pasa, despues di diferente dialogo cu Departamento di Relacionnan Exterior di Hulanda.

 Premier Eman a splica cu e cambio aki Aruba a premira cu lo tin efecto positivo. E cambio tabata cu si e ciudadano Colombiano tin un visa Mericano y a use un biaha caba, e no mester pidi un visa pa e biaha pa Aruba. Sinembargo a confronta un problema, caminda henter un famia a haya visa Mericano pero ta un so a uze.

Pues e no tabata valido pa nan biaha pa Aruba. Eynan a introduci un adaptacion den e ley, cu no ta exigi mas cu e persona cu visa Mericano mester a biaha caba pa Merca. For di e momento ey Embahada a constata cu un fluho grandi di e hendenan aki ta biaha pa Aruba, treciendo un crecimento den e turistanan. Pues e screening ta keda pero cu e flexibilisacion, y el a beneficia Aruba.

Pa loke ta e grupo cu ta biaha pa Aruba specialmente pa bishita famia, tin su reglanan bon defini door di DIMAS, trahando hopi cerca cu Departamentonan di Relacion Exterior y Embahada Hulandes na Colombia. Tur esaki pa trata di sefta esnan cu kier bini Aruba y ta keda atras pa traha.

E analisis haci riba un periodo di un aña desde e cambio, ta mustra positivo. Awor lo bay analisa e situacion na Aruba, pa mira cuanto ta e hendenan cu a drenta cu un visa y no a sali back despues di cierto tempo.

Lo mester dicidi kico mas mester worde haci pa evita e parti aki y toch flexibilisando e sistema pa esnan cu ta bini como turista of pa bishita famia.

- Advertisement -

DUNA COMENTARIO

Please enter your comment!
Please enter your name here