Home General Aruba tambe lo duna atencion e siman aki na e tema “Trafico...

Aruba tambe lo duna atencion e siman aki na e tema “Trafico ilegal di sernan humano”

0
0
SHARE
- Advertisement -

Minister Arthur Dowers:
Lema: “Habri bo wowo…”
ORANJESTAD (AAN) – Minister di Husticia mr. Arthur Dowers, a tene un conferencia di prensa diamars mainta, den sala di prensa di gobierno, relaciona cu a atencion cu lo wordo duna e siman aki, na e tema “Traficacion ilicito di personanan”, en conexion cu 18 di October cu ta e dia cu Reino Hulandes ta reconoce e hecho aki. Tabata presente tambe Hof Inspector di KPA sra. Janet Richardson-Baars, coordinador pa Aruba di e departamento contra traficacion di hende den nos pais, y sra. mr. Caroline Meaux, Consehero riba e tema di Traficacion Ilegal di Hende, pa Ministerio di Husticia. Minister Dowers a cuminza pa splica cu dia 20 di Juni di e aña aki na Sint Marten tur minister di Husticia, di Reino Hulandes, esta di Hulanda, Curacao, Aruba y Sint Maarten a firma un protocol of carta di entendimento, unda a palabra cu nan lo tuma dia 18 di October pa duna atencion na e tema di “Traficacion ilicito di hende”.
E dignatario a bisa cu prensa ta hopi importante den e proceso di concientizacion di nos comunidad pa loke ta trata e fenomeno di traficacion di personanan den nos pais.
E mandatario a bisa cu ta conoci cu na Europa, riba e fecha aki, nan ta dedica atencion na e tema aki, y dentro di MOU a keda palabra cu no solamente lo pone esaki riba papel, y trece den prensa, pero tambe cu lo tuma cierto pasonan cu lo mester yega na un mehor constitucion y un sistema di prevencion riba e fenomeno aki, cu ta sumamente grave y cu ta tumando lugar mundialmente.
E dignatario a indica cu e paso cu Aruba a duna ta sumamente importante pa duna contenido na e MOU, y como Minister e kier a mustra riba e compromiso cu pueblo di Aruba tin pa cu e tema aki den nos pais y den nos region.

El a subraya cu na momento cu el a firma e MOU el a compromete na haci tur posible pa pasonan wordo tuma na Aruba pa combati e fenomeno aki, y esey a haci cu nos pais a haya reconocimento di Departamento di Estado di Merca, pa e trabao cu nos pais ta haciendo unda cu e ta comunica cu e demas partnernan di Reino Hulandes mas cerca di Aruba, cu ta Sint Maarten y Curacao, pa conhuntamente cana e trayectoria pa percura pa nan tambe por yega na un dado momento na e mesun nivel cu Aruba a yega, riba combatimento di trafico di ser humano den nos pais.

Segun e dignatario esaki ta un tema cu ta keda biba internacionalmente, comokiera cu e ta un di e violacionnan di mas flagrante di e derecho fundamental di e ser humano y un di e formanan mas denigrante pa un hende, na momento cu nan ta kite su libertad pa use como esclavo y haci cosnan mas denigrante pa un ser humano.

Minister Dowers a señala cu den nos pais hopi hende ta bisa cu esaki no ta un hecho, pero segun e dignatario nos mester ta conciente cu si por ta un hecho na Aruba, y tene nos wowo y oreanan habri, manera ta wordo mustra den e poster di promocion, cu lo wordo presenta e dianan aki cu lo enfoca riba e tema menciona, pasobra si sa pasa cerca nos tambe, solamente nos no ta mire tur ora y hopi biaha nos no ta conciente di loke nos mester wak.

E mandatario a indica cu na e momentonan aki tin conferencianan na Europa ta tumando lugar pa duna mas atencion na e aspecto aki, ya cu na momento cu Departamentonan di Husticia, Ministerionan di Husticia y Cuerpo Policial a cuminza compronde e materia nan a cuminza haya tambe diferente caso.

Tema central e aña aki ta keda, naturalmente, combatimento di e problematica aki na Europa y diferente organizacion cu ta atende cu victimanan y posible victimanan di e traficacion ilegal di hende.

Minister Dowers a indica cu loke ta tumando lugar na Europa, unda e problema ta mucho mas grandi y mas grandi cu den nos region y nos pais, pero igual nos mester duna mas atencion na combatimento di esaki, y sigur con pa atende cu e victimanan cu mester ta central.

Aruba, en todo caso, a instrui su departamento encarga cu control di ilegalidad den nos pais, cu mester tin un protocol specifico pa atende cu un persona cu posiblemente a bira victima, of cu autoridadnan ta conciente cu a bira victima di trafico di hende, si tin e pruebanan, e regimen pa trata nan ta completamente diferente, cu e persona cu simplemente a scoge pa yega Aruba, keda ilegal, y haci cosnan den nos pais cu ta en pugna cu nos leynan.

- Advertisement -

DUNA COMENTARIO

Please enter your comment!
Please enter your name here