Home General Chavez a anuncia creacion di un dependencia insular den lama Caribe

Chavez a anuncia creacion di un dependencia insular den lama Caribe

2
0
SHARE
- Advertisement -

Teritorionan cu ta limitrofe cu Aruba y Corsow
ORANJESTAD (AAN): E presidente di Venezuela, Hugo Chavez, a anuncia ayera e creacion di un dependencia teritorial den lama Caribe. E dependencia aki lo ta integra pa e islanan di Los Roques, La Orchila, y e archipielago di Las Aves, cu cual lo eherce di “hecho y derecho e soberanía” den awanan teritorial venezolano. Chavez, segun e agencia di noticia EFE, a anticipa den un comunicacion via telefon cu e canal de television estatal cu e dependencia nobo lo yama Miranda, na honor na e general di e independencia Francisco de Miranda.
Segun Hugo Chavez, kier duna un structura politico-teritorial (na e grupo di islanan aki) cu ta disperso, algun bandona, otro virgen ainda, otro tuma pa e delincuencia internacional, pa e contrabando of e narcotrafico.

A indica cu e dependencia aki ta di “hopi importancia” ya e lo limitrofe cu teritorionan cu ta cay bao di Reino Hulandes, esta Corsow y Aruba y cu e estado venezolano di Falcón (west). Banda di esaki a detaya cu e capital di e dependencia aki lo por bira Los Roques.

Chavez a bisa: “E lama aki ta di nos y nos tin cu eherce, di berdad, di hecho y derecho e soberania pleno riba lama teritorial y e soberania economico”, a subraya.

Venezuela tin 23 estado, un Distrito Capital, Teritorionan Federal y e Zona den Reclamacion cu Guayana, y banda di esaki 12 grupo di islanan den lama Caribe cu ta integra e Dependencianan Federal.

- Advertisement -

DUNA COMENTARIO

Please enter your comment!
Please enter your name here