Home General Polucion y humamento a trece hopi caso di cancer di pulmon na...

Polucion y humamento a trece hopi caso di cancer di pulmon na Aruba

15
0
SHARE
- Advertisement -

Dr. Alex Schwengle ta kere… 
ORANJESTAD(AAN): Pashentnan cu ta worde manda afo a aumenta basta. Y un di e areanan di medicina pa cual mas pashent ta worde manda afo ta loke tin di haber cu pulmon. Esaki a pesar cu Aruba tin un dokter especializa den pulmon den persona di dr. Alex Schwengle. E especialista aki tin masha tempo cu el a yega Aruba. Tabata na luna di januari cu el a cuminsa traha na dr. Horacio Oduber Hospital. Prome cu esey tabata tin solamente dr. Wong Ling Sing cu tabata tin solamente 5 aña na Aruba. Informacion cu e ta dispone di dje ta mustra cu te cu cinco aña pasa casi ningun pashent ta bay afo pa cancer di pulmon. Y desde su yegada e casonan a aumenta.


Esaki tin di haber na su area di especializacion, caminda ta constata mas caso di cancer di pulmon, casi 2 pa 3 caso pa luna. Esaki tin di haber cu humamento y polucion. Dr, Schwengle ta kere cu mester bay haci mas investigación di con tin asina hopi caso di cancer di pulmon na Aruba.

E tin su pensamento, pero mester tin datonan fuerte, pa ataca e problema y reduci e casonan. Di otro banda, e profesionalismo a crece, caminda tin demanda di comunidad medico cu ta bisa cu mester haci trabao segun reglanan.

Y reglanan ta exigi haci mas hopi, cu ta costa mas placa. Di otro banda Aruba ta crece y e hendenan ta bira mas bieu, y mas problema di salud. E profesional ta conta cu tempo e tabata haciendo su especializacion, dokternan di mucha tabata sa cu den area di San Nicolas tin hopi mucha cu asma. Esey ta e unico datonan cu tin disponible.

Lo ta interesante, aunke e ta rekeri tempo y placa, pa mira e relacion di e malesanan di cancer na San Nicolas cu e refineria, por ehempel. Tur esaki ta exigi mas investigacion pa por ataca e problema lihe. Den tur caso di cancer, e especialista ta splica, e material genetico di un persona ta hunga un rol. Tin hende ta huma tres paki di cigaria y ta yega 90 aña sin problema, pero otronan ta huma 2 pa 3 cigaria pa dia y ta haya cancer. E di dos expocision, na polucion, ta igual. Aruba ta haci hopi eror cu hopi pais a haci, principalmente e estilo di bida.

Na Aruba tin un sobrepeso di 80% , locual ta gigantesco y e ta relata cu diferente sorto di malesa y principalmente diabetes. Sobrepeso ta un factor grandi pa haya diabetes. Pero e tin esperanza, pasobra tin hopi movemento riba e tereno aki, caminda ta mira hopi hende ta cana. E especialista ta kere cu e ganashi mas grandi pa Aruba, ta pa trece un cambio den estilo di bida.

- Advertisement -

DUNA COMENTARIO

Please enter your comment!
Please enter your name here