Home General Elmar ta splica pakico algun area a keda sin coriente

Elmar ta splica pakico algun area a keda sin coriente

0
0
SHARE
- Advertisement -

Varios parti a perde coriente riba Friday the 13th
ORANJESTAD (AAN): E weekend cu a pasa aki NV Elmar a hanje confronta cu diferente interupcion di e sumistro di coriente na unda diferente barionan riba nos isla a keda sin conente. Ta trata di un situacion extraordinario cu a cuminsa for di diahuebs 12 di mei 2011.
E siguiente interupcionnan a keda registra cerca e compania. Diahuebs 12 di mei 2011 tabata tin un kabel di tension halto cu a haya daño y cu a causa cu den Torenstraat y becindario coriente a bay banda di 10’or di mainta. Bandi 12:30 di merdia tur e areanan afecta e haya coriente back.
Diabierna 13 di mei 2011 tabatin 5 caso:
(1) Pa 3’or di marduga tabata tin un accidente na unda e auto envolvi a ranca un palo di luz di tension halto den becindario di Morgenster. E areanan afecta tabata becindario di Meiveld y Pavilla. E tecniconan a traha pa restaura suministro di coriente pa 2’or di atardi.

(2) Pa 9’or di mainta tabata tin un accidente na unda un truck a ranka un waya di coriente na Hooiberg cu a causa cu den becindario di Hooiberg y Piedra Plat coriente a bay. Banda di 10’or di mainta a reestablece e suministro di coriente na e areanan afecta.

(3) Pa 9:15’or di mainta un fuse di tension halto a bula den e red di coriente na Sero Alejandro. E causa tabata un parha den e wayanan. Bandi 10:35’or di mainta e suministro di coriente a keda reestableci.

(4) Pa 4:20’or di atardi atrobe Cumana y becindario ta perde coriente. E biaha aki pa motibo di un fuse di tension halto cu a bula. E causa tabata un parha den e wayanan. Banda di 5:35’or di atardi a reestablece e suministro di coriente na e areanan afecta.

(5) Pa 5:45 di atardi e bario di Sabana Basora a perde coriente. E motibo tabata un parha den e wayanan di tension halto cu a bula un fuse. Banda di 6:45’or di atardi a reestablece e suministro di coriente na e areanan afecta.
Riba Diadomingo 15 di mei 2011 tabatin 4 instancia cu coriente a bay:
(1) Un interupcion den e red di tension halto na Palm Beach a causa cu na Palm Beach y becindario coriente a bay banda di 9’or di mainta. Bandi 10’or a reestablece e suministro di coriente na e areanan afecta.

(2) Pa 9.18’or di mainta durante trabaonan di haci cambio den e red di tension halto, un switch di tension halto a tira y a ocasiona cu San Nicolas (parcialmente) a keda sin coriente. Banda di 9:35 di mainta e suministro di coriente na e areanan afecta a keda reestableci.

(3) Banda di 4:40’or di atardi un fuse di tension halto a bula den e red na Brazil cu a ocasiona cu Brazil, Rooi Master y becindario a perde coriente. Banda di 5:30 di atardi tur areanan afecta a haya coriente back.

(4) Banda di 5:30’or di atardi un fuse di tension halto a bula den e red na Savaneta cu a ocasiona cu Savaneta (un parti) a perde coriente. Bandi 6’or di atardi e suministro di coriente a keda reestableci.

N.V. Elmar kier a pidi disculpa pa e inconvenencia cu e interupcionnan aki a trece cu nan pa nos clientenan. Ta trata di tin situacion fuera di normal cu a dune contenido nobo na e frase “Friday the 13” pa nos compania.

Por ultimo nan kier a gradici e tecniconan cu a traha incansabelmente, pa restora e suministro di coriente y normalisa e situacion.

- Advertisement -

DUNA COMENTARIO

Please enter your comment!
Please enter your name here