Home General Conflicto den bisiñanan a finaliza na forma violento

Conflicto den bisiñanan a finaliza na forma violento

0
0
SHARE
- Advertisement -

ORANJESTAD (AAN): Tabata Diabierna net despues di mei anochi, cu Central di Polis a ricibi informe cu na un cas situa na Pos Chikito tin bringamento. Mesora a worde despacha un patruya di San Nicolas pa bay atende e caso. Na yegada polis ta topa cu e muher di inicialnan M.M. di 47 aña di edad y e ta naci na Haiti.  E señora Haitiano a conta polis cu e dia anterior den transcurso di anochi el a haya problema cu bisiña. Diabierna despues di mey anochi, e tabata prepara pa bay su trabao, y diripiente e señora bisiña a presenta cu dos yiu pa dale cu piedra.
Pero M.M. tambe a pasa man pa piedra y e situacion a sali na dado momento for di man y e dos señora a lucha cu otro. Mientras un otro bisiña porcierto su paisana, a wak kico ta pasando y a ofrece refugio. Asina M.M. a probecha di core drenta cas di su paisana debi cu e señora ta core su tras.

Pero hasta el a haya! E habitante di inicialnan R.R. a ricibi golpi na pecho di e señora bisiña furioso. Despues tur hende a move segun e recorte di polis ta menciona.

Segun e señora di inicialnan S.v.U. di 20 aña di edad ta bisa polis cu e muher M.M. a piki piedra prome pa dal su mama cune. E muher M.M. a laga polis sa cu despues di trabao el a pasa entrega keho na Recherche.

- Advertisement -

DUNA COMENTARIO

Please enter your comment!
Please enter your name here