Home Deporte Atco Indians a titula Campeon di baseball AA 2010

Atco Indians a titula Campeon di baseball AA 2010

4
1
SHARE
- Advertisement -

Final Baseball AA (5)Pa di cuater aña consecutivo 

ORANJESTAD (AAN)— Despues di un partido candeloso den e serie final di e campeonato di Baseball AA, e team di Atco Indians finalmente a logra e di cuater victoria di e Best Out of 7, ganando e prome cuater partidonan di e serie.

  Durante e di tres partido di e serie, Red Machine a bin dispuesto pa busca e prome victoria y a mantene e wega cera na 2-1 durante casi henter e wega, sin embargo victoria a scapa for di nan man na momento cu den final di 9 Inning, Atco Indians a drenta cu un bataso di Home Run cu a empata e wega na 2-2 pa despues manda un coredor mas na Home y asina gana e wega cu score di 3-2.

  Den e delaster encuentro, Atco Indians y Duracell Red Machine practicamente a mantene un bataya cera unda cu finalmente Atco Indians a supera Duracell Red Machine cu un careda mas pa finalisa e encuentro na 8-7 y di e forma aki Atco Indians a logra e di cuater victoria di e serie pa corona su mes como Campeon di e campeonato di Baseball AA.  Un palabra di pabien ta bai na e team di Atco Indians y su manager Joy Orman, kendenan a demostra cu nan ta un team solido, uni y disciplina.  Pa Atco Indians, e hungador Sicnarf Loopstok a Sali como MVP di e serie

  Tambe nos kier a manda un palabra di pabien na e team di Duracell Red Machine pa nan titulo di Sub-campeon y sigur ta di admira y elogia cu Red Machine ta un team cu a lucha cu capa y espada contra tur sorto di adversidad durante e campeonatonan di AA, unda cu pa hopi tempo nan no tabata conta cu sikiera un sponsor, sin embargo nos por a mira cu pa e campeonato aki, finalmente nan a logra haya un sponsor y cu sigur nan a hasi tur nan esfuerso pa gana su confianza.  Un pabien na e team y tambe na su manager Sr. Karel “Cai Cai” Williams.

- Advertisement -

1 COMMENT

  1. Bondia kasi dos anja pasa mi a bula bai Hulanda pa mi salud i na Hulanda mi mester a wordo opera di enmediato na mi kabes. wel mi a opera i mi mes a paga mi operashon. danki Dios ku na Hulanda e dokternan a hasi nan traboe komo debe ser i ku amor ta loke mi a ripara. wel Azv a nenga di paga mi operashon siendo ku mi ta AMBTENAAR PLUS NA ARUBA NAN NO POR A HANJA KIKO MI TIN NAN A JAMAMI LOKO KU TA DEN PAAZ MI MESTER TA KOREMI FOR DI EHBO MANDA UN BEWAKER ARIBA MI. DUS ANJASANAN MI TA KANA TRAS DI E DOKTERNAN KU MI DOLOR I NAN NO A HASI KASO DIMI TUR TA KERE KU TA KOILOKO MI TA HASI .I DANKI DIOS MI A BULA BAI HULANDA ARIBA MI MES I NAN A JUDAMI HOPI BON NA HULANDA. TA PA E DOKTERNAN NA HULANDA MI TA BON AWORAKI MI A WORDO OPERA DEN MI KABES. NA ARUBA E DOKTERNAN MESTER SINJA KUMPLI KU NAN TRABOW KOMO DEBE SER. NAN TA TRAHA PA NAN PLAKA I NO PA KURA HENDE. ANTO PA KIKO NAN A BIRA DOKTER ANTO. DIS PA BIRA MIYONARIO?KIKO TA DI E HYPOKRATISCHE EED KU NAN A HASI ANTO. TA DEN TIDE NAN A HANJA NAN DIPLOMA ?ARUBA LANTA FOR DI SONJO PESEI HOPI HENDE TIN KU BULA BAI AFO PA BUSKA NAN SALUD. NA ARUBA BO TA MURI NA MAN DI E DOKTERNAN. NO TUR PERO MAYORIA DI NAN . NO TA IMPORTA UNDA BO A BAI STUDIA PA BIRA DOKTER NA KUA PAIS .KUMPLI KU BO TRABOW. KOMO DEBE SER.

DUNA COMENTARIO

Please enter your comment!
Please enter your name here