Home General Varios patruya a atende supuesto caso di tiramento den cercania di club...

Varios patruya a atende supuesto caso di tiramento den cercania di club nocturno

0
0
SHARE
- Advertisement -

ORANJESTAD (AAN): Ta parce cu marduga tin basta movecion riba caya, posiblemente debi cu tin clubnan nocturno ta keda habri oranan laat y asina por spera basta auto riba caminda.
Diadomingo pasa di 4’or marduga a yega informe na central di polis, cu aparentemente tiramento tabata tumando lugar patras di Señor Frogs. Diferente patruya entre otro Oranjestad, Santa Cruz y Noord a worde dirigi pa asisti otro muy en particular ora ta trata di arma candela ta aplica sero tolerancia y den scuridad tur pushi ta preto.
Den lugar di stacionamento tambe segun informe lo tabata tin un Nissan hasta e number a keda divulga na autoridad y den e vehiculo un di e ocupantenan lo tabata den poder di e arma.
Patruya Santa Cruz, tambe otro patruya a presenta y e auto sospechoso a move caba pero a vehiculo ta registra na e cas situa na Santa Cruz.

Patruya di e distrito a bay pa averigua un que otro y na altura di Wema nan a señala e vehiculo y den cercania di un Food Store na Santa Cruz a para e chofer. Den e vehiculo polis a constata tin 6 ocupante cu nan permiso a listra tur hende y tambe den e vehiculo, no a haya ningun arma di candela.

Polis a registra nomber di e ocupantenan. Ta trata di e mucha hombernan B.P. di 19 aña di edad naci na Colombia, S.B. naci na Hulanda di 20 aña di edad, J.B. di 23 aña di edad y e ta naci Hulanda y O.R. di 18 aña di edad naci na Aruba, E.C. di 21 aña di edad y e chofer di inicialnan W.I. naci na Aruba di 19 aña di edad.

- Advertisement -

DUNA COMENTARIO

Please enter your comment!
Please enter your name here