Home General Preso cu dengue sera na warda di Sta Cruz actualmente

Preso cu dengue sera na warda di Sta Cruz actualmente

12
0
SHARE
- Advertisement -

Plaga di sangura yena den autonan confisca ta incontrolable
ORANJESTAD (AAN): Na warda di polis Sta Cruz tin un situacion hopi fastioso e momentonan aki. Un preso cu dengue mester a haya asistencia di dokter te hasta durante dia. E problema na e warda di polis ta hopi serio. Algun dia pasa caba a sera e warda pa asina por a fliet esaki completo. Presonan sera na warda di Sta Cruz ta casi stik caba cu tanto insecticida cu mester spuit pa mata e miles di sangura cu tin den e warda. Henter e problema ta bin di e cantidad di autonan confisca y kibra cu tin benta patras den cura. Nan a bira practicamente un criadero di sangura di dengue masha grandi mes. Pa mas cu un luna a bati alarma riba e situacion aki.
Aparentemente te hasta a laga busca lona grandi pa tapa e autonan cu ta kibra y cu ta acumula awa. E autonan aki te awe no a ser tapa. E lonanan tin algun siman na warda caba pero no tabata tin un balente pa tapa e autonan.

Mientrastanto esnan cu ta patras den cel si a bira malo. Ta parce cu no tin hefe na Centro di Husticia pa atende cu e problema serio aki. Si ta asina anto e baca ta hogando. Si pa algun siman ningun hende a tuma accion, anto no mester keda warda un morto cay.

Tur hende sa con serio e problema di criadero aki ta. Di tur skina ta papia pa evita criadero pero na warda di Sta Cruz parce cu no tin oido. Polisnan mes ta subi caya hunto cu esnan di DBZ pa atende e problema. Awor a resulta cu den cas mes no por soluciona e problema. Ken lo duna multa den un caso asina? Lo ta minister di husticia lo haya e multa? Wel nos ta den problema serio.

- Advertisement -

DUNA COMENTARIO

Please enter your comment!
Please enter your name here