Home General Fraccion di MEP tey solamente pa sirbi interes personal y di partido

Fraccion di MEP tey solamente pa sirbi interes personal y di partido

0
1
SHARE
- Advertisement -

Diabierna pueblo lo haya sa si……
Tres Parlamentario di MEP por retira pa cai bou areglo bieu di pensioen

ORANJESTAD(AAN):Gabinete Mike Eman cu su decision pa cambia e areglo di pensioen y otro beneficionan pa miembronan di Parlamento y Ministernan, a pone partido MEP pero principalmente fraccion di MEP den Parlamento dilanti di un prueba di honestidad sin igual. E momento a yega pa fraccion di MEP awor demostra na pueblo, pero mas cu tur cos, sigura na pueblo, cu e prome interes cu e partido aki lo sirbi ta interes di pueblo y no di su miembronan den Parlamento.

Realmente e momento a yega pa fraccion di MEP lanta para y confirma na pueblo di Aruba cu e ta consisti realmente di representantenan di pueblo na prome lugar y no sirbidor di nan interesnan politico y financiero prome cu tur cos.

Tur loke fraccion di MEP a bin ta haciendo ta tratando di kita atencion for di e decision di Gabinete Mike Eman pa cambia e ley di pensioen pa Minister y Parlamentarionan dunando di e forma aki e bon ehempel na pueblo cu esnan prome yama pa haci sacrificio ta e mandatarionan.

Fraccion di MEP no mester inventa scenarionan infunda y irrealistico pa trata na hustifica nan cobardia pero mester enfrenta pueblo y mustra tur hende cu nan tey pa sirbi interes di pueblo y no nan propio interes.

E desaroyonan den fraccion di MEP ta sumamente conflictivo ya cu ta existi e posibilidad grandi cu tres miembro di e fraccion di MEP actual den Parlamento, ta cerca di opta pa tuma nan retiro prome cu e cambio di ley di pensioen pasa, pa di e forrma aki nan cai bou di e areglo bieu di pensioen.Si esaki sosode ta otro prueba mas cu fraccion di MEP den Parlamento no a bin pa sirbi pueblo, pero pa ser sirbi cu abundancianan cu pueblo tin cu paga pa nan.

Te awor aki mas di un luna despues cu Ministernan a firma e proyecto di ley pa bay Parlamento pa ehecucion di e rapport Fowler, ainda ningun miembro di e fraccion geel a bin dilanti y sostene e concepto di ley aki, of a lo menos a mustra un aceptacion pa e cambio husto aki.

Ta e tipo di desaroyonan aki ta importante pa e pueblo di pais Aruba, realisa kende en berdad nan por confia como mandatario y na e momentonan aki, fraccion di MEP ta mustrando bon cla cu nan motivacion ta pa sirbi nan propio interes y no esun di e pueblo di Aruba.

Diabierna awor e ley aki ta worde trata den Parlamento y pueblo di Aruba lo ripara si fraccion di MEP realmente tey pa sirbi pueblo of nan tey pa sirbi nan interesnan politico y di partido.

- Advertisement -

1 COMMENT

  1. Esaki ta un ” Schaakmat”. Y pa e tresnan di Mep,
    si nan vota contra, nan lo tin cu biba cu esey pa
    resto di nan bida y cu tur su consecuencianan.

DUNA COMENTARIO

Please enter your comment!
Please enter your name here