Home General Douane y Recherche a descubri red di droga entre Aruba y Hulanda

Douane y Recherche a descubri red di droga entre Aruba y Hulanda

30
0
SHARE
- Advertisement -

droga1Container di 20 pia cu droga descubri
ORANJESTAD (AAN): Un cargamento basta grandi di cocaina a keda descubri na Aruba. Aki ta trata di un cantidad di mas cu 60 kilo di cocaina cu tabata scondi den mueblenan. E droga aki tabata cla pa bay cu barco Hulanda. Tur carga cu sali for di Aruba pa Hulanda ta worde controla pa Douane prome su e salida. E mercado di droga cu ta sali pa Europa no ta uno desconoci pa e area aki. Sea via avion den maleta, den stoma of pega na curpa, mulanan a purba sali cu droga.
Di otro banda tin un red mas grandi cu tambe ta purbando di sali cu droga. Esey nan ta hacie door di purba mande via carga cu barco. Loke cu nan a lubida ta riba e control cu tin di douane. Douane ta controla na salida di pasahero na aeropuerto, pero nan ta controla tambe den containernan cu ta sali for di Aruba pa Europa.

A base di e control aki e cacho a bira razo diabierna. Na un compania local di manda carga douane a presenta prome cu seya e container. Durante e control e cacho a reaccion riba un mobilario cu tabata tin den e container. A bay over na haci un control mas profundo y bingo. A bin haya un cantidad grandi di alrededor 50 kilo di cocaina.

Douane parce no por laga e droga aki bay su destino. Ley no ta permiti esey. Miembronan di narcotica di cuerpo policial a ser avisa y nan a bay busca e droga.

E investigacion ta cuminsa awor. No tin mucho dato di e persona cu a trece e droga. Den un sofa grandi e tabata bon empaketa. Parce cu ta na Aruba mes tur e trabao a tuma lugar. E cachonan cu douane tin ta hopi bon entrena pa casonan asina. Si e droga tabata tin destino Hulanda nifica cu e doño di e droga mester ta biba na Hulanda.

Lo no dura masha pa nan pone man riba dje. Ta ser papia te hasta cu na Aruba el a entrega y paga pa manda e sofa Hulanda. Pa algun siman pasa henter e proceso a tuma lugar pero te awor a haya lugar den container pa e bay. Pesey ora e tabata cla pa bay, ta un deber pa douane controla prome cu e salida y asina a bin descubri e droga bon scondi den palo na e parti abao di e sofa.

Pabien Douane cu e bon trabao. Esaki ta golpi tras di golpi cu douane y polis ta dunando na esnan den baho mundo.

- Advertisement -

DUNA COMENTARIO

Please enter your comment!
Please enter your name here