Home General Departamento di crimen organiza ta poniendo hopi atencion riba bendemento di droga...

Departamento di crimen organiza ta poniendo hopi atencion riba bendemento di droga riba caya

0
0
SHARE
- Advertisement -

Inspector Vanessa Kock
Accionnan lo continua fin y cuminzamento di aña!
ORANJESTAD (AAN): Den fin di siman tabata tin un accion di droga cu a produci un detencion. Aki ta trata di un accion contra un bendedor di droga. Ya caba e siman cu a pasa a gara un grupo di siete persona den un accion grandi unda a confisca un promedio di 70 kilo di cocaina y heroina. Durante e accion den fin di siman a detene un pareha na Sombre.
Relaciona cu e accion aki DIARIO a combersa cu Vanessa Kock, Inspector di Polis Hefe di Recherche y el a splica cu e departamento di Team Bezondere Projecten conhuntamente cu e grupo di Crimen Organiza tabata tin den fin di siman un accion na un cas na Sombre den becindario di Santa Cruz.

Akinan tabata tin detencion di dos persona y tambe un cantidad di droga a worde haya.
E persona cu a ser deteni, A. H. tabata tin un negoshi ademas di tabata bende droga. E tabata un persona conoci pa polis caba ya cu tabata tin un investigacion andando prome cu por a yega na dje, a bisa.

A base di esaki y mirando cu e persona tabata bendiendo droga den tur e tempo aki y awor a pone man riba dje.

Vanessa Kock a laga sa cu nan ta hopi contento cu e resultado mirando cu awor tin dos persona cu ta deteni y e cantidad di droga cu a ser haya ta kitando e for di caya pa esunnan cu ta consumi e droga aki.

Ta trata akinan di dos persona local. Un ta hende homber y otro hende muher. Inspector Kock a señala cu a base di e maneho di Alto Comisario actual cu ta Sr. Richardson, nan ta poniendo atencion riba e bendemento di droga riba caya.

Durante di henter e aña aki a ripara cu tabata tin mas di e casonan aki y e accionnan aki lo sigui pasobra aña no a caba ainda y na momento cu aña habri nan lo sigui tambe na e mesun manera pa sigui atende e problema aki na un manera efectivo, a enfatiza.

- Advertisement -

DUNA COMENTARIO

Please enter your comment!
Please enter your name here