Home General Audrey Croes-Lacle y Otmar Oduber ta “Woman y Man of The Year...

Audrey Croes-Lacle y Otmar Oduber ta “Woman y Man of The Year 2010”

4
0
SHARE
- Advertisement -

womanyman1Pa nan esfuerso y dedicacion
ORANJESTAD (AAN): Aruba completo tabata pendiente pa “Man y Woman of The Year” di DIARIO. Ora cu DIARIO saca su Man y Woman of The Year ta practicamente e personanan cu a destaca mas na Aruba durante aña. E aña aki no tabatin mucho problema pa analisa candidatonan. For di momento cu Minister Otmar Oduber a ser presenta den e reunion di staff, tur voto tabata na su fabor. Minister Otmar Oduber ta un luchador incansabel. Esaki a keda demostra desde cu e tabata den oposicion caba. Awor den su calidad di Minister di Turismo y Labor, tur hende por mira claramente su logronan y cu un vision nunca bisto.

KLM ta bek, Carnival Cruise Lines ta bek, re apertura di The Aruban Resort, anuncio di re apertura di Bushiri Hotel, anuncio di proyecto hotelero grandi pa San Nicolas y Pariba di Brug y asina tin hopi trabao cu el a ehecuta y falta pa ehecuta den su departamentonan.

P’esey mes ta na su luga pa e ta e “Man of the Year” di e matutino mas grandi na Aruba, tanto den circulacion pero tambe den curason di nos pueblo.

Audrey Croes-Lacle tampoco ta un persona desconoci. Den e area di comercio ta mir’e masha hopi mes. E ta e defensor di e comerciantenan den Caya Grandi. Un hende muher hopi skerpi cu no tin miedo pa expresa loke cu e ta sinti.

No mester lubida su logronan grandi pa cu e problematica di adiccion na Aruba. Como presidente di e Fundacion cu ta Adopta Adicto, Audrey Croes Lacle a bira e figura principal den mas adicto yuda ultimo dos añanan.

Gobierno y instancianan den husticia ta reconoce e trabao di e fundacion via Audrey Croes Lacle. Claro cu traha cu adicto no ta facil ni agradabel. E tabata un “yiu sin mama” di diferente Gobierno, pero mester bisa cu door di e empeño haci door di e mesun fundacion Addopt an Addict, ta sinti cu awor e problema ta mas conoci y tur hende ta man habri pa yuda e fundacion pa hiba e adictonan riba caminda di rehabilitacion.

Gobierno awor a pone mas enfasis pa sigui cu e trabao cu e fundacion a cuminsa algun aña atras y cu si a duna resultado positivo pa varios di e adictonan cu awor ta riba e bon caminda atrobe.
Pabien na Otmar Oduber y Audrey Croes Lacle cu e logro grandi aki. Boso trabao incansabel a resalta y merecidamente boso ta nos “Man y Woman of the Year” di e matutino mas stima pa e pueblo di Aruba.

- Advertisement -

DUNA COMENTARIO

Please enter your comment!
Please enter your name here