Home General Corto-circuito di Elmar a causa blackout di diadomingo madruga

Corto-circuito di Elmar a causa blackout di diadomingo madruga

1
0
SHARE
- Advertisement -

E tabata interupcion di 35 minuut na algun bario di Aruba
ORANJESTAD (AAN): Dialuna marduga dos minuut prome cu 1 ‘or ta surgi un kortsluiting riba un kabel mayor di NV Elmar, cu consecuencia cu e ELMAR Veld-3 a trip y sali for di servicio.
Inmediatamente ta bin reaccion di personal di ELMAR y ya pa 1:35 ELMAR ta switch e areanan afecta riba e otro veldnan di ELMAR. E areanan afecta ta e.o. Oranjestad un parti, Area di Hotelnan un parti, Sabana Blanco, Wayaca y Papilon un parti. Como cu tin hopi comentario ultimamente riba fayonan den entrega di electricidad, WEB ta trece mas informacion al caso;
WEB su filosofia di opera tin den dje e probabilidad 24 ora di fayo pa aña of otro bisa un confiabilidad di 99.73% di continuidad y no necesariamente ta pa ful Aruba si no tambe un parti di e Isla. Esaki ta un escogencia basa riba e capacidad operacional y financiero di WEB y ta un norma bou di companianan di electricidad, conoci como “Lost of Load Probability” – (LOLP).
Durante di ultimo cinco aña, WEB su funcionamento di confiabilidad di entrega ta como lo siguiente.

Na 2005: Tabatin 6 fayo cualnan a dura 7 ora y 30 minuut of 99.91% confiabilidad.
Na 2006: 2 fayo pa 2 ora y 30 minuut sin coriente. 99.97% confiabilidad;
Na 2007: 3 fayo pa 4 ora sin coriente. confiabilidad di 99.95%;
Na 2008: 2 fayo , pa 1 ora y 12 minuut, confiabilidad di 99.99%;
Na 2009: 3 fayo pa 17 ora y 10 minuut, confiabilidad di 99.8 %
Na 2010: 8 fayo pa 24 ora y 10 minuut, confiabilidad di 99.66%
Fayonan den e red di ELMAR no ta inclui den e lista aki. E aña aki ta prome biaha desde aña 2000 cu WEB a sobrepasa e probabilidad maximo cu a pone pa Aruba como aceptabel.

WEB no ta contento cu esaki y a traha un planning y pone esaki den presupuesto pa traha durante e añanan nos dilanti pa logra mehora e situacion y bay back na e porcentahenan cu nos ta custumbra cu ne cu ta riba 99.73%, cu e meta pa logra 100%.

Hunto cu inversionnan miyonario cu WEB ta haci den baha nos consumo di fuel oil y hisa nos eficiencia WEB ta traha na logra nos mision pa logra e miho servicio na e miho tarifanan posibel pa nos cliente e consumidor cu miho servicio y confiabilidad den entrega di awa y electricidad di calidad.

- Advertisement -

DUNA COMENTARIO

Please enter your comment!
Please enter your name here