Home General Supuesto red internacional di narcotraficantenan desmantela

Supuesto red internacional di narcotraficantenan desmantela

72
1
SHARE
- Advertisement -

capturados1Operativo conhunto entre Colombia, Aruba y USA…
Arubiana Carmen Kelly envolvi den red di droga!
ORANJESTAD (AAN): Poco dia pasa via di Ministerio Publico a keda emiti informe di investigacion y detencion relaciona cu red di droga. Den e caso aki Ministerio Publico a menciona cu diferente pais manera Colombia, Santa Domingo, Curaçao Aruba y Venezuela y detencion a cay a confisca esaki esaya. Pero mucho mas detaye no a worde suministra di parti di Aruba.
Pero manera ta conoci via contacto a cay den nos man informe publico den medionan di exterior di e caso casi detaya, nomber y apeyido. Mientras aki ta haci misterioso y secreto pa un of otro motibo.
Ata aki locual a tuma lugar y pa cual DIARIO ta reproduci e informe internacional pa nos lectornan. Den fin di siman a bira noticia internacional cu un red di cinco integrante di un supuesto red internacional di trafico di droga a ser deteni na Colombia y Aruba.

Esaki tabata e resultado di un tremendo operativo realiza pa autoridadnan di Polis Nacional di Colombia, autoridadnan di Aruba y di e Departamento Anti-narcotico di Merca (DEA).

Dos di e personanan aki, miembronan di e crimen organiza a ser deteni na Colombia, mientras cu tres a ser sorprendi pa autoridadnan arubano aki na nos isla.

capturados2Segun polis colombiano, e tres ultimo aki tabata worde busca na Merca pa extradicion door di e Corte Federal di e Distrito di Massachusetts, Boston, acusa pa delitonan di lavado di placa y narcoticonan.

Aparentemente, e banda di narcotraficantenan tabata dedica na e trafico di droga na Merca, for di rutanan manera Aruba, Antigua, Curaçao, Margarita, Santo Domingo y Tortola.

Datonan cu DIARIO a haya den fin di siman ta indica cu segun investigacion haci previamente pa e organismonan di seguridad di tanto Colombia, Aruba y Merca, e banda di narconan tabata tin como lider Nelson Aristizabal Martinez conoci como “One, two, three”.

Un pareha di esposo, Jorge Ivan Sanchez Torres y Lupe Alejandra Velez Ramos, segun Polis tabata esunnan encarga di haci e enlace cu e supuesto narco colombiano, como tambe tabata encarga cu e lavado di placa den e teritorionan menciona. Nan a wordo deteni na Bogota despues di a yega nan pais procedente di Aruba.

Tambe a detene e colombiana Maria Ruby Lopez Quintera, e venezolano Robert Jafet Werleman y e arubiana Carmen Jacquelina Kelly. Tin indicacion cu un homber di fam Van der Lenden tambe a wordo deteni y cu aparentemente ta un trahador di casino local.

Aki na Aruba, e Seccion di Crimen Organiza tabata na encargo di ehecuta un proceso di extincion di dominio riba propiedadnan adkiri como producto di actividadnan proveniente di narcotrafico valora den casi 4 miyon dollar.

DIARIO sigur lo sigui e desaroyo aki hopi di cerca ya cu ta trata akinan di delito basta serio y den cual nomber di arubianonan ta resona na nivel internacional mientras cu aki na Aruba ta pretende di mantene nan nomber secreto. (Potretnan cortesia di diferente corant digital manera Radio Santa Fe y RCN).

- Advertisement -

1 COMMENT

DUNA COMENTARIO

Please enter your comment!
Please enter your name here