Home General Fayonan tecnico a causa problemanan di coriente

Fayonan tecnico a causa problemanan di coriente

0
0
SHARE
- Advertisement -

avpmikedemeza1Segun Mike de Meza,
*no tabata tin indicacion di sabotahe
ORANJESTAD(AAN): Durante conferencia di prensa di Gobierno Dialuna, prensa a puntra Minister Mike de Meza tocante e problemanan cu tabata tin cu baymento di coriente recientemente. Segun e Minister, ora cu el a papia cu Director di Elmar, WEB y Utilities, nan a investiga tur e diferente casonan cu a tuma lugar. Tur ta indica cu tabata problemanan tecnico a causa cu coriente a bay.
E mandatario a bisa cu nan a bin cu proposicionnan pa hasi cambionan, pa asina e tipo di casonan asina dificilmente lo ripiti nan mes. Nan ta sigui pues cu mas investigacion pa sigui preveni perdemento di coriente.

Pa loke ta baymento di coriente banda di e hotelnan, tabata un panel cu a kima a causa esaki.
De Meza a bisa cu esey ta algo cu nunca a yega di sosode den pasado. Den Substation 3 di WEB tambe tabata tin un corto circuito basta y asina tabata tin mas fayo tecnico.

“Mi mes no ta kere cu tin hende cu ta traha den WEB of Elmar cu ta odia e pais aki asina hopi cu nan lo hasi daño grandi na nos pais”. Esaki segun Minister de Meza, kende a sigui bisa cu esey nunca tabata e discusion.

E investigacionnan tambe a mustra cu esaki no tabata e caso. Nan ta hasi tambe un asina yama ‘Root Cause Analisis’, pa wak kico ta e causa di berdad di e fayonan cu a tuma lugar y pa asina preveni esaki den futuro.

- Advertisement -

DUNA COMENTARIO

Please enter your comment!
Please enter your name here