Home General Valero den operacion lo percura pa un inyeccion di 600...

Valero den operacion lo percura pa un inyeccion di 600 miyon den economia

0
0
SHARE
- Advertisement -

Parlamentario Marlon Sneek di AVP

ORANJESTAD (AAN): Despues cu parlamento di Aruba a trata e settlement agreement,cu gobierno di Aruba a presenta na Valero, nos por a tende, cu e representantenan di Valero a bin Aruba y a anunsia e reapertura di e refineria, esaki ta trece cune cu apart di e 210 miyon Florin cu Valero lo paga na pais Aruba, tambe lo bay paga 7% di impuesto ariba ganashi, mara na un minimo di Afl 18 miyon anualmente.

   Segun Marlon Sneek di AVP, pa prome biaha nos lo bay haya cu un compania petrolero lo bay paga impuesto ariba nan ganashinan. Mester bisa acerca , cu e ehecutivionan di Valero a anuncia, cu dentro di 90 dia e refinaderia lo ta operativo atrobe y cu esaki lo implica un inversion di mas cu 50 miyon Dollar americano, un capital considerabel, cu lo bay beneficioa nos Isla, y sigur e obreronan cu lo bay forma parti de e “turn around” aki, obreronan cu tin basta dia nan cas pa motibo cu erefinaderia tabata cera.

   Kico e reapertura di Valero ta significa pa nos economia?

  “Mi ta compronde cu politiconan di MEP ainda ta asombra cu nos logronan y ta culpa tur organizacion y instancia pa a boycotea nan, pero nan tin pa check nan mes den spiel”.

   Nos di AVP no tin tempo pa weganan politico, AVP tin un solo meta, esta e bienestar di e pueblo di Aruba henter y no di un grupito di “fiends and family”. E reapertura di e refinaderia, ta significa un inyeccion di no menos cu 600 miyon Florin den nos economia, esaki tambe ta significa,  cu un grupo di mas o menos 5000 hende lo bolbe conose, seguridad financiero stabilida pa por cumpli cu nan debernan financiero y familiar atrobe pa medio, esaki pa medio di  empleonan, cu lo worde crea pa medio di contratistanan. Esaki na su turno ta representa, entradanan pa caha di gobierno di mas o menos 120 miyon Florin, na pagonan di impuesto di AZV y AOV. Otro topico cu tambe a haya atencion y solucion pa medio  di e “settelment agreement “, aki ta e diferente terenonan cu Valero tabata tin como parti di nan propiedanan, esta e terenonan erfpacht, cual algun a worde transpasa pa gobierno y acuerdonan ariba cada un di e terenonan aki a worde renegosha. Un biaha mas mester bisa e profecionalismo ,  cu gabinete Mike Eman a desplega den e nogisacionan cu Valero ,a pone cu un confianza inmenso a worde poni den e credibilidad di Aruba di parti di Valero, un compania cu pa 10 luna largo, a keda paga trahadornan, sin tabata tin un dipchi di ganasi for di nan planta aki na Aruba, nos ta papia aki di no menos cu 80 miyon Florin, tur esaki danki na gabinete Mike Eman uno cu a sa di duna e problematica aki su debido atencion y preoridad.  Aruba mester  ta orguyoso di tin un team asina profecional manera gabinete Mike Eman pa goberna nos dushi isla Aruba, cu Dios bendishona AVP,  cu Dios bendishona Valero, cu Dios bendishona San Nicolaas, cu Dios bendishona Aruba.

 

- Advertisement -

DUNA COMENTARIO

Please enter your comment!
Please enter your name here