Home Hudicial Casonan penal den Corte awe

Casonan penal den Corte awe

1
0
SHARE
- Advertisement -

JudicialORANJESTAD(AAN): Awe na corte ta bay tum,a lugar diferente caso. E prome caso ta un caso den cual R.N.B. ta wordo acusa di a intencionalmente causa un candela den un apartamento riba 5 di Maart 2010, dor di cual e apartamento a kima totalmente of parcialmente y a bin peligro pa e apartamentonan bisiña. Tambe e ta wordo acusa di a menaza un y/of dos persona cu un crimen contra nan bida y/of maltrato severo riba 5 di Maart 2010, dor di bisa nan cu e lo pega nan na candela cu auto cu tur. E caso ta bin dilanti Pro Forma. Despues ta bay tuma lugar otro caso Pro Forma.
Ta trata di un caso den cual J.R. J. ta wordo acusa di ladronicia di un laptop y/of cellular di un persona riba 6 di Maart 2010 y di ladronicia di un of mas cellular di un hende riba 6 di Maart 2010.

Alavez e ta wordo acusa di posesion di marihuana riba 6 di Maart 2010
E siguiente caso tambe ta un caso Pro forma.
Ta un caso den cual R.J. E. ta wordo acusa di, conhuntamente cu un otro of otronan, ladronicia di un suma di placa di un persona riba 7 di Februari 2010

Despues ta bay tuma lugar un caso den cual G.R.R, M.E.C y J.H.S ta wordo acusa di, conhuntamente cu un otro of otronan, ladronicia cu violencia di placa y/of otro pertenencianan di personanan na Mei, Juni, Juli, Augustus, September y October 2009.
M.E.C y J.H.S ta wordo acusa tambe di
di ladronicia di placa y/ S ta wordo acusa di laptops y/of mp3-player di un tienda riba 18 Juli 2009.

S. ta wordo acusa di a intencionalmente duna un computer, procedente di ladronicia, den pand y/of a cambie y/of a bende na Augustus 2009.

E ta wordo acusa tambe di, conhuntamente cu un otro of otronan, ladronicia den un cas di un computer y/of mas pertenencia di un persona den e periodo di 3 te 13 di Juli 2009.

Ademas e ta wordo acusa di, conhuntamente cu un otro of otronan, ladronicia di loudspeaker y mas propiedad di un compania riba 26 di September 2009.

S. ta wordo acusa di, conhuntamente cu un otro of otronan, ladronicia di un play station y/of mas pertenencia di un compania den e periodo di 30 September te prome di Oktober 2009.

E ta wordo acusa alavez di a participa y/of encabeza un organizacion criminal den e periodo di prome di Juni 2009 te prome di October 2009.

Ultimo caso awe ta un caso den cual R.G.P ta wordo acusa di a intencionalmente maltrata un persona riba 4 di Februari 2010, dor di gare na su braza y/of zway e den tera y/of scop e na su rudia y/of dal e cu un mokete den cara, a consecuencia di cual e persona a resulta herida y/of a sufri dolor.

E ta wordo acusa tambe di a, cu e intencion di causa daño fisico pisa na un otro persona, a dal e cu tanto violencia cu mokete na su cabez na augustus 2009, cu e persona su lens di wowo a los y/of el a sufri un asina yama ‘evenwichtsstoornis’ y/of dolor.

E ta wordo acusa di a, cu e intencion di causa daño fisico pisa na e mes persona aki, a scop e violentemente varios biaha na su lomba riba 27 di September 2009.

E ta wordo acusa ademas di a, cu e intencion di causa daño fisico pisa na e persona, a dal e violentemente cu mokete na su cara y/of cabez riba 4 di Februari 2010.

P. ta wordo acusa tambe di a menaza un di tres persona cu un maltrato contra su bida y/of maltrato severo y/of maltrato cu arma riba 27 di September 2009, door di bise na un forma intencionalmente menazante: “Mi ta mata boso tur”.

Alavez e ta wordo acusa di tabatin municion den su poder, sin cu e tabatin permiso pa esaki, den e periodo di 11 di Februari 2000 te 11 di Februari 2010.

- Advertisement -

DUNA COMENTARIO

Please enter your comment!
Please enter your name here