Home Politica Marisol a parti tereno bay gol

Marisol a parti tereno bay gol

6
0
SHARE
- Advertisement -

Segun Marlon Sneek,
ORANJESTAD(AAN): Durante conferencia di prensa di partido AVP, Parlamentario Marlon Sneek a trece dilanti cu un incidente chikito den parlamento a pone tur hende perde focus di locual tabata wordo discuti, cu ta e terenonan cu a wordo reparti bao di gabinete Oduber 4. Tin caminda cu terenonan a wordo duna sin cu e hendenan tabata tin e derecho di haya esakinan, sin cu a cumpli cu cierto reglanan y sin cu a tene cuenta cu cierto leynan vigente. Sneek ta bisa cu e ta di opinion cu e asunto aki ta un asunto cu ta hopi serio, unda cu ta bay bin sigur un mocion di parlamento pa pidi e Minister hasi un investigacion, pasobra otorgamento di e diferente terenonan no a bay na un forma corecto.
E parlamentario a mustra riba un articulo cu a Sali den DIARIO 21 di Februari 2002, caminda cu Minister di Infrastructura di e tempo ey Marisol Lopez Tromp, a bisa cu prome cu tuma decisionnan grandi pa nos pais, mester realiza un estudio di impacto social.

E Minister di e tempo ey a bisa esey, pero awor bo ta wak cu Aruba ta conta cu 1000 camber extra, cu a trece cune cu nos a haya 20.000 hende extra den nos pais, sin cu un rapport a wordo traha den cual ta mustra cu esaki lo no ta un problema.

Marisol obviamente no a worry cu e problemanan social etc. cu esaki ta trece cune.
Sneek a cita parti di e asina yama ‘Ruimte Ordenings Plan’ (ROP), cu ta bay contra tur locual e Minister di e tempo ey a hasi, mirando cu no por djis entrega asina hopi parti di nos naturaleza pa construccion di edificio.

E Minister e tempo ey bisa cu nos tin cu hasi estudionan di impacto social, pero e Minister a lubida tur esaki y a djis parti tereno bay gol.

Sneek a trece dilanti tambe documentonan cu ta mustra cu Marisol den su funcion como Minister a reserva pa 2 aña tereno pa Natura Development, mientras cu famianan cu haya problema pa cumpli y pidi un extension, si no ta haya esaki.

Esey recientemente tambe a sosode cu un misa na San Nicolas, cu no a haya un extension riba nan opcion pa un tereno.

- Advertisement -

DUNA COMENTARIO

Please enter your comment!
Please enter your name here