Home Politica Regreso di carnival lo nifica pa Aruba su economia 25 miyon Dollar...

Regreso di carnival lo nifica pa Aruba su economia 25 miyon Dollar pa aña

4
0
SHARE
- Advertisement -

avpotmaroduberSegun Minister di Turismo sr. Otmar Oduber:
ORANJESTAD (AAN) — E regreso di Carnival Cruise pa Aruba, ta nifica un ingreso pa nos economia di 25 miyon dollar. Asina Minister di Turismo sr. Otmar Oduber a menciona den entrevista cu nos redaccion. Y no por ta menos, pasobra tanto e operadornan di turismo como e doñonan di tienda, a mustra Minister Otmar Oduber, cu nan ta sinti e falta di Carnival Cruise Lines na Aruba.
E dignatario a duna nos informacion, despues di a reuni cu e partnernan financiero y comercial di Aruba, ayera.

E titular a mustra su satisfaccion cu ya caba tin confirma 11 calls di e vapor aki pa 2010, y nan ta trahando na e momentonan aki riba esaki.

Minister Oduber a tuma e iniciativa, como dos siman pasa, di bishita Curacao unda el a reuni cu su homologo di turismo, sr. David Dik.

Minister Oduber a comenta cu sr. Dik a aplaudi e iniciativa aki masha hopi mes, y esey a conduci cu e siman aki e dignatario a haya un yamada di e minister antiyano, ken ta bin otro siman Aruba.
E bishita aki lo ta pa nan finaliza e conversacionnan cu a inicia na Curacao, pa asina aki nan por dirigi un carta pa ehecutivonan di Carnaval Cruises, den transcurso di e otro siman mes, pa nan yega poco, poco na e proceso final di loke ta trata e regreso di e 51 yamadanan di Carnival Cruise lines di aña 2011 pa dilanti.

Minister Otmar Oduber a señala cu Aruba den e ruta di cruseronan, ta esun mas leu abao y e barconan ta bin specificamente pa Aruba y Curacao, y tin biaha nan ta coi un punta di Venezuela.
Pa loke ta e resto tur e otronan siete of ocho ta banda di otro den e areanan mas ariba, y pa por trece nan bek Aruba tabata tin un discusion, pasobra pa nan, e “cost of doing business” ta aumenta cu tres miyon dollar pa aña.

Pero segun e dignatario, ora di mira e impacto cu tin door di e turistanan cu ta viaha den e barconan aki, cu ta di 120 mil pa 140 mil bishitante, cu ta casi 32% mas cu e cantidad di turistanan cu ta biniendo Aruba aworaki.

Pues, un tercer parti cu por aumenta, cu ta representa mas cu 25 miyon dollar den nos economia.
E ora ey mester haci un evaluacion, y esey ta e acercamento cu e minister tabata tin cu su colega di Curacao, pa bay coopera cu otro pa yega na un estructura cu ta locual nan ta negociando aworaki cu Carnival Cruises, y cu nan a pone hopi oido, pasobra Aruba ta keda un destinacion importante pa nan.

Segun e mandatario, si den e caso aki, nan por haya Curacao acera como un destinacion dual den e parti mas abao, e ta bay ta na bienestar di nos pueblo. E ta nifica un ingreso di 25 miyon dollar pa aña, pa loke ta trata nos economia.

- Advertisement -

DUNA COMENTARIO

Please enter your comment!
Please enter your name here