Home Politica Minister Camil Eurlings Di Hulanda Ta Duna Tur Credito Na Mike Eman...

Minister Camil Eurlings Di Hulanda Ta Duna Tur Credito Na Mike Eman Pa Regreso Di KLM

1
0
SHARE
- Advertisement -

Eurlings na Mike Eman “Abo y bo team a laga un biento fresco bula di nobo”

ORANJESTAD (AAN): Prome cu e Boeing 747-400 di KLM dialuna mainta a sali rumbo pa Aruba, tabatin un ceremonia na Schiphol na unda entre otro Minister Eurlings di Hulanda a hiba palabra.

   Su discurso no a laga luga pa duda. Cu palabranan alentador el a duna credito na Prome Minister di Aruba Mike Eman y su gabinete no solamente pa e regreso di KLM, pero tambe pa e gran positivismo cu ta reina na Aruba y den Reino desde e cambio di gobernacion.

Eurlings a conta e audiencia cu e ta corda manera ta ayera ora cu e ultimo avion di KLM a bay direccion Aruba. “Mi a compronde con pisa esaki tabata pa Aruba”.

   KLM tin di haber cu Transporte, e tin di haber cu Tursimo y tambe cu e interes grandi con sigui bula pasaheronan di KLM pa Aruba, pero e ta bisa cu el a sinti cu tabatin mas cu esaki. Na Aruba e baymento di KLM a worde experiencia como algo simbolico. Eurlings ta bisa cu tabatin hende cu a bise “De grote blauwe vogel komt niet meer’ y cu esaki tabata worde sinti como algo doloroso”.

Eurlings ta bisa cu den cuadro di esaki e ta haya e ceremonia e mainta ey na Schiphol mas cu solamente un asunto positivo pa Turismo y Transporte. Naturalmente Aruba ta bay haya mas turista. Aruba mester drenta back den e ambiente y e interes creciente cu tin di e turista Hulandes pa Aruba ta grato.

Aki Eurlings a sigui bisa: “Mi ta kere cu e momento aki ta nifica mas cu esaki so. Esaki ta un momento simbolico tambe. Esaki ta e momento na unda hunto nos ta ratifica cu nos ta hunto den Reino”.

   Aki Minister Eurlings a para un momento keto y a dirigi palabra personalmente na Prome Minister Mike Eman. 

   “Mike, abo cu bo team a laga un biento completamente fresco supla. Si mi mira con bo ta traha aki y ora bo ta bisa cu nos ta partner, nos ta igual, nos ta amigo y cu hunto nos mester traha den Reino y bo ta puntra con nos por yuda otro, esaki  a duna un señal cu a cai den tera masha fructifero.

Mi ta ripara esaki cerca nos gobierno y na tur otro caminda cu mi bay cu e ta un alivio con positivo bo ta para pa loke ta e cooperacion den Reino. Bo mes a bin aki pa lobby pa KLM regresa Aruba. Bo a haci masha hopi mes bo best pa logra esaki. Bo a papia cu Peter Hartman y mi mester duna Caesar loke ta di Caesar.

Mi tambe a papia cu Peter Hartman despues cu abo a papia cu ne y cerca nos tur dos bo input  y e confianza cu abo tabata inspira tabata masha positivo y esaki a hunga un rol hopi grandi y importante mes den realisacion di e regreso di KLM”. Cu e palabranan aki Minister Eurlings a termina su discurso cortico, pero cu a bisa tur cos.

Gobierno di Hulanda ta contento cu Gabinete Mike Eman y a demonstra esaki door di e presencia di Eurlings na Schiphol y mas ainda door di e contenido di su discurso den cua el a ilustra e gran satisfaccion cu ta reina desde Mike Eman y su team a tuma gobernacion over na Aruba.

- Advertisement -

DUNA COMENTARIO

Please enter your comment!
Please enter your name here