Home Politica Den E Mercadeo Cu Gobierno Ta Bay Hiba Den Centro Y Henter...

Den E Mercadeo Cu Gobierno Ta Bay Hiba Den Centro Y Henter Latinoamerica

0
0
SHARE
- Advertisement -

COPA tambe lo bira instrumental:

Minister Otmar Oduber a declara!

ORANJESTAD (AAN) — Como dos luna pasa, DIARIO a trece dilanti cu aparentemente, e aerolinea COPA no ta yenando su vuelonan y cu e posibilidad pa e compania stop di bin Aruba ta presente.

Un informacion cu nos redaccion no a logra di confirma te dialuna, cu e mandatario a declara, contestando un pregunta di nos mes, cu e tambe ta na haltura di e problema.

E dignatario a bisa cu e no a reuni cu ehecutivonan di COPA ainda, pero si a elabora tocante e aspecto aki.

“ Manera mi a bisa den oposicion casi un aña pasa, cu mi tabata presidente di e comision permanente di turismo den Parlamento, cu COPA ta esun cu a core tras di Aruba pa bin akinan, pero nunca nos a dune e atencion necesario.

“ Ora COPA a cuminza haci su vuelonan na Aruba, mi a puntra kico ta e maneho y vision di gobierno di ser un bon partner di e aerolina.

“ COPA tin un gate-way cu ta Panama cu por habri e destinacionnan cu practicamente nos no tabata tin, pero si bo ta kere cu bo por djis coi un mucha anto tire den un campo anto cu e mes ta siña tur cos, nunca bo ta bay logra.

“ Bo tin cu guie y sostene y den e caso aki, COPA, den mi pensamento no a haya e sosten aki. Mi no ta kere cu nan tin tanto problema pa yena e avionnan, mi ta kere cu ta cuestion di un cooperacion mas estrecho cu mester bay existi”, Minister Otmar Oduber a expresa.

El a reitera e mercadonan di Brasil y otronan di Latino America, por ehemplo, Centro America, unda definitivamente COPA y otro aerolineanan lo bira instrumental den e mercadeo cu gobierno ta bay hiba den e paisnan aki.

- Advertisement -

DUNA COMENTARIO

Please enter your comment!
Please enter your name here