Home Politica Cu Regreso Di KLM Producto Aruba Ta Cera Un Ciclo Basico Di...

Cu Regreso Di KLM Producto Aruba Ta Cera Un Ciclo Basico Di Airlift

2
1
SHARE
- Advertisement -

Segun Minister Otmar Oduber:

ORANJESTAD (AAN): Den conferencia semanal di prensa di gobierno, minister di turismo y transporte, sr. Otmar Oduber, a bisa cu e yegada back na Aruba di KLM, ta cera e ciclo di loke Aruba, como producto, lo kier tin como base di airlift pa Aruba.

   Esaki ta consisti di cuatro vuelo di Arke Fly, seis di Martinair cu lo aumenta na siete, y ta inicia den e fase aki cu dos vuelo di KLM.

  “Esaki ta cera naturalmente, un destinacion cu un ‘mix’ cu ta sumamente importante pa e diversificacion cu nos ta buscando den Europa completo.

   “E no ta caba akinan, nos lo tin conversacionnan cu ya caba a inicia cu diferente otro grupo, charternan cu lo mester bay sostene e destinacionnan, caminda cu nos tin e vuelonan regular aki, pero definitivamente mi ta bisa cu e regreso di KLM ta pone Aruba, un biaha mas, na e nivel cu un biaha mas por bay negocia, na un forma habri, cu nos holdselernan y esnan cu ta yuda bende nos”, e dignatario a subraya.

   Varios di nan tabata riba e vuelo re-inaugural di KLM pa Aruba, entre otro Global Travel cu ta un di esnan mas grandi den e mercado Europeo cu ta yuda bende Aruba, y cu a duna e sosten y a mira e importancia pa e binimento back di KLM na nos Isla.

- Advertisement -

1 COMMENT

  1. Martinair. MARTINAIR. MARTINAIR.
    Maartenair no ta existí!
    NOTA DI DIARIO: Esey ta berdad. Lamentablemente nos tabatin un “macro” trahando den nos wordprocessor, cu automaticamente ta reemplaza cualkier “martin” pa “maarten”. El a worde drecha Diaranzon atardi, danki na bo input. Danki lector!

DUNA COMENTARIO

Please enter your comment!
Please enter your name here