Home Politica Bagamunderia bao di mesa rond di ehecucion di “plan nacional di enseñanza!”

Bagamunderia bao di mesa rond di ehecucion di “plan nacional di enseñanza!”

0
2
SHARE
- Advertisement -

Preguntanan di Parlamentario Westerhof tocante:
ORANJESTAD (AAN) — Matutino DIARIO a entrevista Parlamentario di fraccion di AVP, sra. mr. Lainda Westerhof, tocante e reunion di Comision Central di Staten, cu a tuma lugar ayera.
Sra. Westerhof a duna di conoce cu nan a trata den e reunion aki, e fondonan pa ehecuta e Plan Nacional di Enseñanza (Nacional Onderwijs Plan “N.O.P”) cu e gobierno anterior a inicia.
E Parlamentario a señala cu enberdad e ta un iniciativa hopi bunita cu tin hopi cos su tras, pero na momento cu e comision a repasa cierto documentonan y wak kico tur tin su tras, a lanta un preocupacion hopi grandi cerca nan, principalmente ora a mira e forma con nan tabata kier ehecuta e N.O.P.

Parlamentario Westerhof a bisa cu pa cuminza, nan a scoge un persona pa ehecuta e plan, cu no ta esun indica ni adecua pa haci esaki. Esaki nan a haci basa riba e buro yama BINOP (Bureau Implementatie Nacional Ondendrwijs Plan),

El a subraya cu a bin acerca un par di pregunta cu e mes kier a haci na e Minister di Enseñanza; un di nan ta: pakico, por ehemplo, a lanta un BINOP specialmente pa maneha esaki y no a haci uso di Departamento di Economia of di Departamento di Enseñanza.

E persona a worde apunta pa maneha BINOP, esta e 8.8 miyon florin cu lo worde haya for di Comision Europeo di Fondo di Desaroyo. Esaki ta e comision cu lo worde destina pa enseñanza pa Aruba, y e lo worde duna den fase.

E Parlamentario ta puntra, ta di con e persona encarga cu esaki ta traha solamente cuatro ora pa dia, esta 20 ora pa siman, y ta gana e suma di 20 mil florin pa luna, y riba dje ta haya fls. 8.250,= pa costonan vast, cu ta encera tayer di trabao, seminario, encuentronan, y ademas, fls.4.100 florin pa gastonan di awa, coriente, telefon, internet y si tin mester e por haya mas.

Sra. Westerhof a subraya cu Aruba ta den un situacion unda hopi hende ta pasando den pobreza, nos falta inversion den enseñanza, tin problemanan financiero, etc., mientras cu den un persona so ta worde gasta e suma menciona, mensualmente.

E persona aki a worde tuma den contrato for di 1 di Juni 2009, cu pa aworaki ta entre ocho pa nuebe luna, y ainda no por mira fruto di loke el a haci pa ehecuta e proyecto.

E Parlamentario a señala cu straño ta cu ora e reunion a worde yama, for di siman pasa, diripiente e persona aki a manda un carta, hinca den otro na un forma desordena, unda e ta menciona cu e lo bay traha riba cuatro indicatornan cu e comision di e fondo europeo ta exigi, cualnan no ta cla ainda tampoco.

Tambe ta straño, segun e Parlamentario, normalmente, segun e articulo 5 di e ley di orden di contabilidad, lid 1, ta bisa cu tur contrato cu pasa cien mil florin, mester bay den destaho publico.

El a bisa cu den e caso aki tin mas instancia cu por a haci e trabao aki, entre nan Departamento di Enseñanza.

Sra. Westerhof ta puntra, pakico e proceso di escogencia no por a bay via destaho publico y di con nan no a haya conseho di instancia concerni tampoco.

El a reitera cu e asunto aki a lanta preocupacion cerca dje pasobra e ta haya cu e proceso aki no a cana e caminda corecto.

“ No cu mi kier hunga politica, pero na momento cu algo no ta cana e caminda husto, ami y mi coleganan como sirbido di pueblo, mester trece esaki dilanti pa pueblo sa cu algo no ta canando bon.

“ E edificio cu ta worde uza pa desaroya e famoso N.O.P aki, ta un cas luhoso cu pool. Pakico tanto necesidad di luho, mal gastamento di placa mensual, sabiendo cu nos tin hopi school cu mester bentana, buki, material, cu ta den cay den otro y mester renovacion y nos ta malgasta placa di e forma aki”, Parlamentario Westerhof a subraya.

Esaki ta e preguntanan cu el a trece dilanti y ta dirigi na e minister di enseñanza pasobra e forma aki no ta den beneficio di nos pais tampoco, y e asunto aki mester pone un stop na dje inmediatamente.

“ Mi tin dos carta como prueba cu na November 13, 2009, a acerca e persona aki bise cu pa departamento di economia, e mester traha un documento, cu e mester tin cierto papelnan cla y e cuatro indicatornan, pero no ta tendiendo nada di esaki.

“ A bolbe bay un carta dia 28 Januari 2010, bolbe recorda e famoso buro aki cu a worde lanta pareu ora cu e contract cu a worde firma, pero no a tende nada ainda di loke ta worde haci pa cu e O.N.P.

“ No tabata tin ni un tipo di reaccion, solamente e reunion a worde yama, y aworaki cu e luz ta bay cende pasobra pa e persona aki ehecuta e plan y haya e fondo cu ta 8.8 miyon, diripiente e ta manda un bulto di papel y ta bisa cu e ta bay straight riba e cuatro indicatornan cu nos tin mester”, e Parlamentario a splica.

Sra. mr. Westerhof a subraya cu no ta asina cu fraccion di AVP no kier e tipo di fondonan aki pa enseñanza, pasobra nan tin enseñanza na pecho.

“ Pero e bagamunderianan aki, e forma di conkelmento cu ta pasa bao di mesa, nos no ta acepta!”, el a remarca.

- Advertisement -

2 COMMENTS

  1. Pone nomber di e persona aki pa tur hende hanja sa di e malvershon di plaka di pueblo europeo ,destina pa desaroja i sostene ensejansa. Pone paga bek loke e a usa cu no ta di dje. Si e ex minister a dunele tur e luho aki , laga e para responsabel pe tambe. Foei. Unda nos ta bay.Asina un salario pa 4 ora pa dia + vergoeding? Ta cuanto material por a cumpra for di e plaka ey i yuda nos muchanan cu mihor material pa desaroja nan mes? Hopi .Pabien L.Westerhoff. Asina nos ta saca tur e chupador di sanger di pueblo for di bow piedra.

  2. Tur dia Lainda ta saca un press release cu ya ta scirbi pe. Algun siman atras nos por a wak e na tv ta sinta lesa su papel y na dado momento a pega y no twta sa con pa sigui. Laga politica pa politiconan.

DUNA COMENTARIO

Please enter your comment!
Please enter your name here