Home General Accidente fatal a cobra bida di Dominico Arends

Accidente fatal a cobra bida di Dominico Arends

20
0
SHARE
- Advertisement -

mortodominoORANJESTAD (AAN): Tabata algo prome cu 4′or di Diadomingo madruga, cu informacion a cuminza drenta na Polis, cu riba caminda di Kibaima pa Sasakiweg tin un accidente basta pisa, na altura di oficina di broker di aseguro Arturo Aponte na Tanki Flip. Tabata net 3:56 a.m. cu Central ta worde notifica cu un accidente serio a tuma lugar. Na yegada di Polis nan a constata cu posiblemente, e chofer burachi di un Pickup double cabina color corra cu number A-46353 a hala di banda, y bay dal fuerte y frontal den un Toyota Starlet color corra cu number A-37589.


E chofer di e Starlet aparentemente no tabatin seatbelt bisti, y como cu e vehiculo aki no tin air-bag, e curpa di e chofer a dal duro na e stuurwiel y body di auto, te cu el a haya corta mahos na cara, y golpi fuerte na su cabez, y na pecho.

E ta un persona cu ta bisti bril, y como cu e no tin seatbelt bisti, el a bay dal cu su cabez den e A-pilar di e vehiculo, hayando e corta grave. Fuera di esey, el a dobla full e stuurwiel eynan.

E manehador di e Starlet pues a resulta gravemente herida y tabata duna poco señal di bida. Mesora personal di ambulance ta cuminsa trata pa reanime, y practica CPR. E tabatin un pulso hopi debil ainda.

Pero pa mas o menos 4:52 a.m., Dokter Van Der Berg ta constata morto di e victima Dominico Arends, mihor conoci como Don Co.

E ta naci dia 20 di December 1937 y biba na Sero Janchi 42. Segun informacion e otro partido envolvi den e accidente, e homber di fam P., a keda deteni door di Polis na e lugar mes, debi cu e ta worde sospecha di a maneha un vehiculo bow di influencia di alcohol y a ser hiba warda di Oranjestad pa test.

Tin indicacion cu aparentemente e homber di inicial P. a baha caminda na man robez (probablemente door di cansancio) y bay dal di banda contra e auto di e victima cu ta biniendo di direccion contrario.

Algun rato despues, un muher a presenta na e lugar y tabata gritando pa wak un tal “R”. Ora cu Polis a puntre, kende ta e tal “R” aki, el a contesta cu esey ta e chofer di e Pickup. Aki Polis a notifica e muher, cu e chofer a keda deteni.

Un rato despues, dilanti tur hende presente, e muher aki a cuminza lanta contra Polisnan, y a dal un agente tambe. Aki Polis a bay over pa detene, y el a cuminza resisti. Den e resistimento aki, dado momento el a cay, y a haya un cap cu a sangra.

Polis a logra pone boei na su mannan, y a bay cune pa Warda di Polis na Shaba, y despues un Ambulans a buske eynan pa bay cune Servicio di Emergencia na Hospital pa cose e cap. Na famia di fayecido, DIARIO ta extende palabra di condolencia.

- Advertisement -

DUNA COMENTARIO

Please enter your comment!
Please enter your name here