Home Policial Famia ta buscando Mario Dijkhof di 68 aña

Famia ta buscando Mario Dijkhof di 68 aña

3
0
SHARE
- Advertisement -

ORANJESTAD(AAN): Diahuebs DIARIO a entrevista Marieta Wanopa di Cruz Cora, relaciona cu un persona perdi riba nos isla. El a splica cu Diaranzon mainta Cruz Cora a ricibi bishita di ruman di e persona y e ruman a pidi ayudo pa busca su ruman. Su famia a busca un dia largo y nan no a logra haye y pesey nan a tuma contacto cu Cruz Cora. Segun sra Wanopa, e persona perdi a Sali for di cas despues di merdia Diadomingo, el a bishita un Chines cu ta cerca di su cas na Katiri y despues el a coi direccion di Tanki Leendert bay abao.
E persona a cumpra algo na tienda Geerman y despues no a haya indicacion di hendenan cu a papia cune despues, of mire. Ta trata di Mario Dijkhof, conoci como Mario Cowboy. Cualkier hende cu por a wak e persona aki por tuma contacto cu polis of notifica Cruz Cora.

E buskeda di Cruz Cora a cuminza cu e buskeda Diahuebs y awe mainta lo cuminza cu un buskeda grandi. E ta un persona di 68 aña cu tabata tin un short bisti color blauw scur, un polo di color berde sushi y un sandalia na su pia. E no ta un persona bao di medicamento.

DIARIO a puntra sra Wanopa si e ta un persona adicto na alcohol of droga y e famia no a bisa cu esey ta e caso. Nan a bisa cu quizas e ta bebe na un manera social.

DIARIO a papia tambe cu Everaldo Kock kende a cuminza busca señor Dijkhof for di Diaranzon. El a splica cu a sali cu 3 persona pa buske a base di lugarnan cu su mama a bisa pa busca. E grupo a bay busca na Paraguana, Veld di Kudawwecha, Calbas, Hato, Tanki Leendert y Tanki Flip, cu ta tur e areanan unda cu e sa cana.

Awe lo busca cu un grupo grandi patras di Shell Tanki Leendert, pasobra eyden e sa cana hopi. E sa bay sinta relax eynan y bay back cas. E mama di 98 aña ta hopi preocupa. Ultimo biaha cu hendenan a wak Dijkhof tabata Diadomingo 5’or di atardi eybanda mes. E ta un persona hopi conoci den e barionan menciona.

Awe diferente hende ta bay busca na pia y na auto. Esnan cu kier yuda por bay Shell di Tanki Leendert 8’or di mainta.

- Advertisement -

DUNA COMENTARIO

Please enter your comment!
Please enter your name here