Home General Accidente cu container mester ta advertencia serio pa nos tur

Accidente cu container mester ta advertencia serio pa nos tur

1
0
SHARE
- Advertisement -

containerDTI mester cuminza haci su trabao
Di e “free for all” cu tin den e negoshi di transporta carga
ORANJESTAD (AAN): Aki na Aruba ta warda te ora cu e baca hoga pa nan dempel e pos, asina un experto riba e tereno aki a conta nos cu un voz masha disgusta despues di a tuma nota di e sucedido cu e container cu a cay riba un auto staciona. “Esaki no ta prome bez. Poco dia ey algo similar a sosode riba e rotonde banda di Wendy’s” el a sigui agrega. Ta parse cu no tin un instancia na Aruba cu ta controla e chasisnan cu ta ser usa pa lastra containernan.
Manera ta conoci DTI ta controla e trucknan pero no ta controla e chacis cu e doñonan di truck ta huur for di otro companianan. “Ta poco trampa e cosnan aki ta. Pianan ta los, brazanan den bada kibra, coneccion no ta sirbi…..e hendenan aki ta keda haci wega te dia un di e containernan aki cay riba hende” asina un di e manehadornan di e trucknan aki a conta nos.

E ta puntra su mes si instancianan di Gobierno mes no ta tuma nota di e cantidad di accidentenan tumando lugar ultimamente cu e trekkernan aki. Mayoria bez ta pasobra ta laga ken cu ta maneha e trekker y e chacis patras ta asina bieu y den mal estado cu kico cu ta e container ta cay.

Danki Dios semper el a cay su so of manera ayera riba un auto. Imaginabo cu un di e muchanan di school tabata pasando net e ora ey, e storia lo tabata completamente diferente.

Ta pesey ta urgi Gobierno pa instrui Polis pa obliga esnan cu ta transporta carga pa keur e chasisnan tambe na DTI pa verifica si nan ta technicamente aproba pa subi caminda. Hopi di nan ta visiblemente bon, pero tecnicamente desastroso. Ta teme cu si nada worde haci un di e dianan aki lo sosode un otro desgracia pero e ora si nos tur lo lamenta.

- Advertisement -

DUNA COMENTARIO

Please enter your comment!
Please enter your name here