Home Hudicial Reaccion Ministerio Publico den caso Rincones

Reaccion Ministerio Publico den caso Rincones

1
0
SHARE
- Advertisement -

ORANJESTAD(AAN): Recientemente varios hende den comunidad y prensa a cuestiona e hecho cu ex agente policial Chu Rincones a wordo laga den libertad bastante lihe, despues cu el a wordo acusa di posesion di arma ilegal. Ministerio Publico pesey a dicidi di reacciona. Nan a manda un comunicado pa prensa cu ta bisa lo siguiente: Señor Rincones a wordo deteni riba 4 di September 2009 riba sospecho di a viola articulo 3 di Ley di Arma (Vuurwapenverordening, posesion illegal di un arma di candela). Esey a sosode despues cu e sospecho a lanta cu señor Rincones a keda cu un arma di candela, cu un ciudadano a entrega na dje algun aña pasa den cuadro di un accion di Polis pa colecta armanan di candela.

De acuerdo cu e maneho di arma di candela di Ministerio Publico señor Rincones a wordo deteni y a pidi pa e permanece den detencion (voorlopige hechtenis).

Despues di 18 dia, Huez Comisario a alarga e voorlopige hechtenis, pero a suspende esaki tambe na e mes momento.

E motibo pa esaki tabata na un banda debi na e circumstancianan cu e arma di candela tabata den cas di Rincones; e tabata sin carga warda den un camber cu no tabata wordo uza – un situacion totalmente diferente cu e situacionnan riba cual e maneho di arma di candela stricto di Ministerio Publico ta mas tanto dirigi riba dje, esta, porte di arma carga riba caya.

Na otro banda motibo tabata cu e investigacion di Polis no tabata cana suficientemente liher, segun opinion di Huez Comisario, loke ta wordo sosteni tambe pa Ministerio Publico.

Dor cu e seccion di recherche en cuestion tabata scars di trahador, tabata imposible pa e seccion aki haci e investigacion cu Ministerio Publico tabata pidi, dentro di e termino cu Huez Comisario tabata considera deseable.

A base di esey Huez Comisario no por a bay de acuerdo pa alarga e detencion. Señor Rincones a wordo mientrastanto cita pa presenta dilanti Huez Penal pa violacion di Ley di Arma y malversacion cometi mientras eherciendo su funcion (verduistering in dienstbetrekking).

- Advertisement -

DUNA COMENTARIO

Please enter your comment!
Please enter your name here