Home Social Gran canamento di Colegio Arubano diasabra awor atardi

Gran canamento di Colegio Arubano diasabra awor atardi

4
0
SHARE
- Advertisement -

caORANJESTAD (AAN) – DIARIO a tene entrevista cu sra. Jennifer Reyes- Arends, ken ta e relacionista publico encarga cu celebracion di e di diez lustro di Colegio Arubano, esta su aniversario di Oro, pues, su 50 aña di existencia.

 

 

Den e cuadro aki, despues di e actividadnan oficial, Colegio ta preparando un canamento grandi. Diasabra awor, dia 17 di October, pa 5.30’ or di atardi, tin e gran canamento aki. Prome cu esey tabata tin un rifa, pero e fecha a worde cambia pa dia 4 di November, pa motibo cu e benta no a bay manera nan a desea.

“ Pesey nos ta pidi sosten di comunidad di Aruba, pa coopera cu nos school, pasobra e ta pa un bon causa. Nos kier recauda cu tur nos actividadnan di henter e aña, pa nos yega na 500 mil florin, pa nos haya airco pa tur nos localidadnan. Participantenan den e canamento ta haya un flanel cual ta inclui den e prijs”, sra. Reyes a indica.

Sra. Reyes ta invita henter pueblo di Aruba pa participa den e canamento aki, school, companianan, banco, gruponan di canamento, etc.

Seguidamente, señor Karim Perez, cu ta otro di e organizadornan di e canamento a elabora tocante e lugar di salida/yegada y e ruta.

E canamento ta sali y caba na Colegio Arubano mes, nan ta bay direccion Talk of the Town, sigui bay riba Boulevard te na Antraco unda nan ta bira bin bek pa Colegio, riba e rutanan Koningstraat- Arendstraat- J. G. Eman straat, pasa dilanti Hospital bieu, bay Adrian Lacle Boulevard bira pasa dilanti Biblioteca, sali na Vondellaan caba na Colegio.

E ruta aki nan a scoge pa cuminza y caba na Colegio ya cu tin hopi ciudadano cu a studia na Colegio Arubano pa tin e gevoel di Colegio, pa nan celebra bek na school.

Organizadornan ta bay core rond pa yuda e hendenan cu ta bay cana y nan lo conta cu asistencia di Cruz Cora y di Polis. Ora di bin bek lo tin actividad cu musica.

Sra. Reyes a indica cu encaso cu tin un instancia cu kier cumpra ticket parti pa nan trahadornan, como cu e ta un fundraising tambe, of si nan kier haci un donacion tambe por. Por yama na Colegio Arubano na telefon 582-2005 puntra pa Robby Falconi, pa mas informacion, pa esnan cu kier haci donacion.

- Advertisement -

DUNA COMENTARIO

Please enter your comment!
Please enter your name here