Home Policial Dominicano hoben a percura pa kiebra y robo

Dominicano hoben a percura pa kiebra y robo

2
0
SHARE
- Advertisement -

ORANJESTAD (AAN): A base di yamada cu centralista encarga cu central di polis a ricibi, di a dirigi patruya Oranjestad pa Schotlandstraat relaciona cu un caso di ladronicia. Tabata 1’ or di marduga riba diamars cu doño di un empresa a yama pidi presencia di polis debi cu e ta persigui e sospechoso den caya Tumba. E sospechoso ta coriendo den un Nissan station wagen color cora su plachi number a worde capta cu ta A36096. A controla e number y a resulta cu e number lo ta pretence riba un otro vehiculo. E doño di empresa mientras tanto a perde e vehiculo for di bista.Patruya a bay back den Schotlandstraat pa tuma e denuncia y na e cas agentenan a atende e homber di inicialnan L.K. di 49 aña.

El a splica di ta doño di varios apartamento.Tambe el a denuncia cu e ladron a kibra den container cu e tin.

Ademas e doño L.K. a suministra un informe cu por yuda autoridad captura e sospechoso.
Segun L.K. e Nissan stationwagen color cora, cual el a persigui, el a wak staciona mas trempan na haltura Biljard Zone.

Polisnan no a vacila y a bay tira un bista mesora na haltura di Biljart Zone y enberdad agentenan a bin nota e Nissan stationwagen color cora para na e lugar.

Pero na momento cu e manehador a nota presencia di polis, el a purba pa dera trot pa bay laga e patruya.Polis tabata mas rapido cu e chofer di e Nissan y el a logra blokea e stationwagen cu e no por a move pa ningun direccion.

E homber denunciante L.K. tambe a yega na e lugar y a reconoce e Nissan stationwagen color cora cu el a persigui.Locual ta e chofer di e Nissan, tabata trata di un homber naci na Republica Dominicana inicialnan J.F. y e tin 18 aña.

Segun su declaracion cu el a staciona su Nissan banda di e container pa e baha pa saca poco sushi di su curpa.

Cu e parti di su declaracion tabata suficiente pa polis detene. A transporte pa warda pa e bay duna cuenta di e ladronicia cu kiebra. Su auto tambe polis a percura pa depone esaki na warda pa mas investigacion.

- Advertisement -

DUNA COMENTARIO

Please enter your comment!
Please enter your name here